娛圈事
不過，苑仔直認再做主持壓力大，要食藥減壓。
苑瓊丹（苑仔）今日（19日）為香港開電視節目《開工大吉77》錄影，嘉賓有藝員轉型做武術導演的羅天池，暫定主持26集。苑仔希望透過新節目解構娛樂圈，訪問幕後工作人員，如茶水姐姐、燈光師及收音師等，令娛樂圈不再神秘，更直言不乏爆料環節。
苑仔為香港開電視節目《開工大吉77》錄影，並請嚟羅天池做嘉賓。
苑瓊丹、羅天池（東星圖片）
笑問會否勁過當年踢爆「魔術鹹豬手」的惡行？苑仔說：「現在爆的料是大家可接受的，開心的，以前弄到別人雞無鴨（血），也曾講過不再做同類型節目，但今次以有趣為主。」
東星圖片
苑仔直認再做主持壓力大，要食安眠藥入睡，確保開工時夠精神，「今次想貼地些，所以叫工作人員不用寫稿，全部自由發揮，所以壓力不少。」雖然工作忙碌，但她表示老公無詐型，皆因對方也經常不在港，而且二人的感情已昇華到不用見面。
雖然入行多年，但苑仔覺得做主持壓力好大要靠食藥減壓。
苑瓊丹表示：「正所謂人一世物一世，試吓做公主都唔錯。」
新春將至，一向顧家的苑瓊丹返港準備過年，更向大家宣布近日獲頒「公主」名銜，笑言要老公下跪請安，「大家叫我做『石榴公主』我都幾開心嘅，如果去大馬等地，申請埋老公做埋拿督，機場可以行紅地毯添！正所謂人一世物一世，試吓做公主都唔錯，我真名叫苑麗瓊，英文字係『King』嘛，根本就係皇族嚟嘅，所以買頂皇冠獎勵自己。」
苑瓊丹獲頒「公主」名銜。
苑仔笑言要老公下跪請安，又要買頂皇冠獎勵自己。
早前傳出苑仔「息影」，依家仲「升呢」做公主，但係佢就冇諗住退休，仲話好鍾意工作：「我唔係『息影』，只係唔拍住！佢地分別係息影就唔洗搵我啦，唔拍係可以傾吓，但都係覆你唔得閒，因為嚟緊龍年好忙碌，要內地做直播之餘，仲想將呢個產業帶翻嚟香港，有時間想開個講健康嘅頻道添。」
苑仔直言好鍾意工作，無諗住「息影」。
講到新年願望，苑仔笑言收山唔會爆製「小公主」，專心照顧家中十多隻小狗：「依家有十幾隻狗仔，雖然我成日四圍走，但唔會搬佢地返內地喇，因為香港有兩個工人照顧佢，我返嚟就由公主變翻做奴才追住幫佢地『執金』」。
苑仔同大家拜個早年！
