*

upload_article_image

個唱如期舉行 眾星齊撐Joey Tang好熱鬧

嘉賓可謂星光熠熠!

Joey Tang(鄧建明)昨晚(20日)舉行《Music Playground 2019》演唱會,邀得陳慧琳(Kelly)、鄭中基、李克勤、蘇永康和側田等擔任嘉賓,可謂星光熠熠,而入場人士大部份為內地觀眾,場面熱鬧。

Joey昨晚在台上落力演出。

蘇永康大讚Joey Tang是一位脾氣好的Team Leader,他坦言無論自己在海外或Big Four開演唱會都由對方擔任音樂監製,「我認為一個騷好需要EQ高嘅監製,因為要處理好多嘢,好在樂壇有Joey Tang咋。」Kelly則表示Joey Tang是她首位接觸的音樂人,好彩試音過關,才有幸在台上演出。在旁的Joey即說:「當日試完音見到Paco,我話唔係唔簽呀?佢笑笑口話簽咗啦!傻仔!」

Kelly表示Joey是他首位接觸的音樂人。

蘇永康大讚Joey是個EQ高的音樂監製。

李克勤與Joey在台上有講有笑。

身形纖瘦不少的Joey,透露七日前因牙患做完手術,但不會影響唱歌。談到邀得多位歌手任嘉賓,Joey表示全部歌手都曾經合作過好有淵源。談到最近香港社會氣氛緊張,他直言有想過將演唱會延期,但跟主辦單位方面分別有睇相士,也認為檔期可如期舉行,「原來主辦方係我中學嘅師弟,呢幾日都驚交通問題,但佢信吸引力法則,我又跟佢學,跟住一路等,噚日就決定開騷。」

鄭中基與Joey一齊演出。

側田為Joey擔任嘉賓表現興奮。

Joey與陳健安齊擺甫士好合拍。

Joey笑言為免太太阻礙,所以叫太太留在後台幫手搬生果。而歌曲《再見香港》特意為兒子創作,雖然兒子在澳洲留學,但若然兒子在場對住唱,反而會沒有感覺。