MIRROR預告明年再開個唱

時間過得真快

組合MIRROR去年參加ViuTV《全民造星》出道，轉眼已一年，並推出新歌《Reflection》。早前他們繼續唔齊腳、只有十子接受《頭條日報》訪問，他們坦承時間過得好快，好感激觀眾和粉絲一直對他們好包容，所以新一年會努力令唱歌和跳舞實力提升，希望不會再令支持者失望，更預告明年將再舉行演唱會。

早前MIRROR合體拍攝寫真集，更笑言是史上最密實的寫真。

談到出道一年感受，隊長Lokman（楊樂文）坦言時間過得特別快，「我哋每日都好似追緊進度咁，呢一年真係做咗好多嘢。」Anson Lo（盧瀚霆）就話：「好多謝觀眾同我哋嘅粉絲，都對我哋好包容同埋體諒，好似我哋唱歌失準，或者跳舞唔齊，佢哋唔會好似批評其他藝人咁樣批評我哋，反而好似伴住我哋成長咁，真係令我哋唔好意思，好想努力回饋番佢哋。」

今次訪問繼續唔齊人，AK（江熚生）要拍新劇《打天下》、Edan（呂爵安）則參加畢業禮 ，只有十位成員現身。

展望未來發展，各成員當然希望團隊不論唱歌和跳舞都會繼續進步，亦想推出更多歌。而Jeremy（李駿傑）就比較實際，「想我哋快啲推出到大碟，之前其實有機會，但係個計劃推遲咗，希望好快可以成事。」而Ian（陳卓賢）更透露：「我想大家齊心做好啲，因為我哋明年會再有演唱會。」

早前MIRROR專登飛到台灣為新歌《Reflection》拍攝MV。

至於個人方面，十子亦各有目標想達成，譬如：Jer（柳應廷）想演音樂劇、即將拍劇的Frankie（陳瑞輝）想增加自信、Tiger（邱傲然）想多參與戲劇演出、快將演出新劇《男排女將》的Anson Lo亦想把握好今次演出機會。不過Alton（王智德）的目標竟然是，「我睇《造星II》塊面太凹，所以想肥番啲。」即引起由肥仔辛苦keep住身形的姜濤不滿，相當搞笑，談到個人目標，姜B說：「嚟緊拍劇個角色我需要學結他，自己一直都好想學樣樂器，呢個係歌手基本要求。」最後問到各人有何不滿要投訴，Stanley即搞笑話：「我同花姐講想唱solo，但佢問我『睇吓你唱成點？』咁我練習吓先！」

MIRROR最近有份參與《全民造星II》，他們認為跟師弟比賽雖然有壓力，但亦是鞭策自己進步的好方法。

7月，MIRROR首次踏足紅館出任鄭秀文演唱會嘉賓，他們都認為成件事好夢幻。

姜B繼《退休女皇》後，預告即將開拍新劇，仲要在劇中自彈自唱。

排球員出身的Ian有份演出《男排女將》，他笑言：「其他人覺得難打嘅波，我要幫手做替身，好驚會整傷舊患，呢排都有健身練好狀況。」

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。