*

upload_article_image

陳展鵬收工即返家氹囡囡 小豬比啜手指懶畀反應

BB好可愛!

小豬比咁快就7個月大,又靚又可愛,成個公仔咁。

陳展鵬與老婆單文柔的囡囡「小豬比」現已7個月大,展鵬今早在IG上載囡囡戴住粉紅小頭箍,坐在BB椅上托住頭腳仔揈揈啜手指片段,展鵬跟囡囡傾偈,嫌囡囡沒太大反應。

小豬比好嘆。

展鵬對住囡囡說:「好嘆咁喎,Feel so good喎,係咪因為大咗便便,Poo Poo咗跟住好舒服依家,個肚好空好舒服係咪呀。喂,你有冇禮貌?同你講緊嘢,答兩句都好,你依家狀態如何?你話畀人聽其實你得6個零月(老婆正更正7個月了),係啦,畀少少反應好啦,以為有個公仔喺度添,冇反應喎,今日嘅反應係冇反應嘅反應。」在單文柔加把口氹囡囡,小豬比終於有反應叫了幾聲,最後還來個恐龍叫的反應。

小豬比

 
 
 
 
 
在 Instagram 查看這則貼文
 
 
 
 
 
 
 
 
 

最近每曰朝朝6,7點先收工,好似去咗外國生活咁!時間顛倒晒🤣但返到屋企見到b小豬比又開心哂!但係究竟係佢氹緊我開心?定係我氹緊佢開心呢#bossBB #陳小姐

陳展鵬(香港)(@rucochan)分享的貼文 於 張貼

展鵬留言:「最近每日朝朝6、7點先收工,好似去咗外國生活咁!時間顛倒晒,但返到屋企見到b小豬比又開心晒!但係究竟係佢氹緊我開心?定係我氹緊佢開心呢#bossBB #陳小姐」。

爸爸忙開工,小豬比平時都是媽咪湊。

網上圖片