*

upload_article_image

做柴可夫接送老婆外母 羅仲謙:是應負的責任

謙仔還自認年紀大,大呻「造人」辛苦!

羅仲謙、張曦雯(Kelly)、張秀文及韋家雄等晚上錄影《娛樂大家》,家雄哥的紅皮褸造型,被謙仔取笑似足《賭神》中劉德華飾演的「陳刀仔」,笑爆全場!

張曦雯、韋家雄、羅仲謙、張秀文

謙仔自認不懂講大話,綵排狼人遊戲時要不興奮過度,要不過份心虛,根本騙不了對手,「他們講大話好叻,今次見識到世途險惡,哈哈!(老婆楊怡知否你不懂說謊?)這個優點全世界都知道!」

張曦雯、羅仲謙

談到日前被拍得接送太太與外母到街市買餸,謙仔不敢認乖仔:「冇得揀㗎!這是我應負的責任,始終我在大埔住了幾十年,熟路嘛,有空的話都盡量做司機。(有否因堵路被困大埔?)沒有被困,OK啦,就當多些時間跟老婆相處,我也有狂打機,(趁機努力「造人」?)大家都辛苦喇!我講做人辛苦呀,要為生活頻撲。至於造人就隨緣啦,你估後生仔咩,拖拖手仔便有BB,我年紀大,唔得㗎喇!」

羅仲謙(東星圖片)

汪明荃、羅仲謙等錄影《娛樂大家》。

Kelly亦謂最近努力做人,更是努力做盲人,皆因要到盲人中心上課備戰新劇《踩過界II》,學習用枴杖及摸凸字。

張曦雯(東星圖片)

張秀文