*

森美想搵黃心穎高Ling回歸《旅行團》浸溫泉

甚麼是矛,甚麼是盾呢?

由森美、丁子朗、麥美恩及吳若希主持的《森美旅行團2》去年取得TVB台慶「最佳非戲劇節目」獎之一,最近播出的第3輯由原班人馬再拍住上,森美向《頭條日報》直認邊拍邊掛住第一輯時的主持人黃心穎及高海寧:「呢個節目咁受歡迎無疑靠先前累積嘅成績,下輯如果加埋佢哋浸溫泉,同吳若希、麥美恩嚟過矛盾對決就好爆喇,觀眾到時鍾意睇邊個就自己投票喇!」

森美拉攏好身材的黃心穎及高海寧重返浸溫泉,跟吳若希、麥美恩四美矛盾對決。

《森美旅行團3》內容好爆笑,除咗森美和朗朗力戰相撲手,被相撲手捉住襠布掟到走晒光外,吳若希及麥美恩分別着上粵劇面譜配青花瓷及核突蜥蜴臉堅尼現身,森美大笑說:「其實最初都擔心呢班人腳唔太夾,因為我同麥美恩係實力派,偶像派丁子朗、吳若希一個係小鮮肉,一個係女歌手,尤其做歌手係應該要有包袱,點知佢一啲都唔介意鬥醜。」朗朗說:「上輯同森美大哥全裸浸溫泉尷尬過今次著襠布玩相撲。」語畢森美問:「係咪見慣見熟開始會打招呼呀?」麥美恩即取笑:「一家人呀!大個咗喎!使唔使染吓啲頭髮?」人妻吳若希更搞鬼笑哈哈說:「今次頭髮剷咗青喎。」咁快拍到第3輯,森美話大家都有好大改變,好似朗朗主持埋台慶;吳若希「升呢」人妻;麥美恩變兩棲藝人,愈來愈紅。同時亦好掛住第一輯的高Ling及心穎,期待下輯大團聚。  

長身泳褲配臉堅尼,四人唔介意鬥醜。

上輯四位主持都有浸溫泉,但朗朗竟然失憶唔記得,被他們喪鬧離晒譜。

說到有網民罷睇,森美不介意:「觀眾有自由同喜好,唔睇我咪睇佢哋咯,總有一個啱你嘅。」麥美恩打圓場道:「鍾意睇小鮮肉咪睇小鮮肉,睇臘鴨咪臘鴨囉。」對此,森美即不滿更正:「可唔可以對返我好啲呀?應該係話小鮮肉同臘肉呀!」

今輯3人吃好味牛肉,朗朗形容係同牛舌嘴咀。

四人感受日本正盛行的經典學生餐。