王麗嘉Deep V透視出巡 馬詩慧陪買蛋糕好服侍

感情真好

名模馬詩慧（Janet）與老公王敏德（Michael）育有兩女一子。由於27歲大女王曼喜（Kayla）和25歲二女王麗嘉（Irisa）都愛性感，不時在社交網晒火辣靚相，搞到爸爸好頭痕，反而Janet勁支持，照顧三名子女更是無微不至。日前《頭條日報》見到Janet與Irisa到銅鑼灣超巿買嘢食，着白色衫透出Deep V白色Bra嘅Irisa，揀完蜂蜜蛋糕就交畀阿媽畀錢，原本行出門口諗住拆開嚟食，點知佢又交畀Janet幫佢拆膠袋，呢位靚媽真係好服侍！

王麗嘉着白色長袖衫透出Deep V白色Bra好養眼。

王麗嘉一出超巿門口，就搵媽咪馬詩慧幫她拆開蛋糕。

Janet雖然是辣媽，但就好開明，對仔女更是百分百支持，兩女兒鍾意行性感，她覺得從藝術角度欣賞係冇問題。對於照顧小朋友更愛親力親為，儘管子女已長大了，最細嘅仔王躍穎都已經19歲，但她仍不會放晒手，每樣嘢都照顧周到，好似二女Irisa早前去意大利出席品牌活動，Janet又跟埋一齊去，真是個廿四孝媽媽！

王麗嘉揀蛋糕時，馬詩慧係咁畀意見。

王麗嘉一揀唔啱蛋糕，即刻搵番媽咪去再揀過。

家住跑馬地嘅Janet，最愛與仔女去銅鑼灣打躉。早前她與Irisa現身銅鑼灣時代廣場Citysuper，兩母女一入內就分道揚鑣，Janet去揀麥片，而Irisa就去蛋糕Counter揀蛋糕，不過睇唔啱，於是Join媽咪去貨架再揀過。她們仔細研究蛋糕成份，在媽咪提議下，Irisa最後買了蜂蜜蛋糕，仲隨手交咗畀媽咪去排隊畀錢。離開一刻，Irisa似乎好肚餓，即刻攞蛋糕嚟食，但拆唔開又要搵媽咪幫手。25歲女夠晒嗲，難得媽咪Janet又好受！

王麗嘉不時在社交網分享火辣性感相。

早前馬詩慧和王曼嘉陪王麗嘉去意大利出席活動。

名模馬詩慧和王敏德結婚30年，育有兩女一子，近日，馬詩慧帶埋兩姐妹王曼喜和王麗嘉一齊坐豪華遊艇出海玩，唔單只馬詩慧著咗紫紅色比基尼騷火辣身材，王曼喜和王麗嘉亦十分性感，著咗黑色三點式嘆世界，愜意無憂的生活令人十分羨慕。

馬詩慧在社交平台分享靚相和短片，可見她身為三子之女仍充滿魅力，身形瘦得嚟又凹凸有致，身姿曼妙到完全睇唔出年齡，保養得非常好！而王曼喜和王麗嘉出晒名鐘意晒自己的靚身材，大長腿和豐滿的上圍令人睇到心心眼。三母女無論身材還是外貌都各有出眾之處，唔少網民都大讚：「太性感」、「太靚女啦」。