Good Show !
昨晚，鄧小巧在旺角舉行的音樂會得到林欣彤、鄭欣宜、許廷鏗、RubberBand的泥鯭及6號等捧場，而久未在港露面的藍奕邦則做表演嘉賓。
藍奕邦創作新曲《強弱》時明白到人有軟弱的時候，感謝鄧小巧迎接其痊癒及讓他回到舞台與幕前。
藍奕邦與鄧小巧合唱《強弱》前，先問觀眾有否在街上聞到臭彈味？鄧小巧避開話題指屋企附近只有牛屎味。藍奕邦再感激鄧小巧在自己患病的4年中用其歌來養自己，笑言可能是「謀」著其加拿大戶藉，建議可假結婚，並來個擁抱指將來見移民官可以有相為証。
鄧小巧坦認之前好怕演唱會要取消。
有「療癒系」歌手之稱的鄧小巧特別安排了5分鐘時間的心靈環節以引領觀眾冥想再唱出《和好》，小巧輕抺淚水指要在2019年做一個音樂會比想像中困難及忐忑，直言擔心過會取消，因發生了許多事，有許多的火焰和眼淚。完騷後，她自爆綵排時哭得更厲害，因現在舉行大小型的活動都很艱辛，好多都要取消，加上社會狀態不好，曾作最壞打算想過是否要放棄，但覺這段時間更應堅持心中所想及責任，因大家都需要空間釋放及忘卻煩惱。
問到是否真的與藍奕邦假結婚？她笑稱已喚藍爸爸做老爺，但事實是二人太老友，又打趣指在台上望著對方，有慈母望著康復了的兒子感覺。
許廷鏗、欣宜及林欣彤亦現身撐老友。
RubberBand的泥鯭及6號同蝦頭捧鄧小巧場。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
