*

環球四組新人半數無影 陳凱詠:各行各路好正常

組合步伐好難永遠一致。

今年環球唱片打造了《Fabulous Four》,同日推出四組新人單位,包括樂隊Dusty Bottle、ONE PROMISE、Jace Chan(陳凱詠)及Oscar Tao(涂毓麟),為樂壇注入新力量。跑到年尾,竟然得返Dusty Bottle及陳凱詠Keep住派到第三首新歌,而ONE PROMISE和涂毓麟冇咗影,Dusty Bottle否認踢走咗戰友;陳凱詠就解釋:「新人梗係會走埋一齊,之後各行各路好正常,好難步伐永遠一致嘅。」

今年環球唱片打造的四組《Fab Four》新人,年尾得返Dusty Bottle及陳凱詠出第三首新歌。

最近陳凱詠第三首新歌《講》屬於孤獨情歌,Jace唱出伴侶口口聲聲話鍚你,其實傷害你最多的絕望心痛、坦言有小小自己寫照;至於五人組合Dusty Bottle的新歌叫《What Did You Say》,主音Kerryta話首歌較dark,歌詞講社會問題,因為社會有好多框框,要停留喺框框入面定係跳出嚟?畀大家反思空間。

Jace在新歌MV中要落水濕身。

對於呢個round冇咗兩個親密戰友,陳凱詠坦言Fab Four人數減半變得孤單及冷清,而且壓力大咗,大家一齊出歌會開心好多,但都明白嘅:「好難永遠都係同步嘅,但我哋四組會互相關注對方作品,留得低係硬嘢,今年出到三首歌經已好幸運,都唔敢諗太多,但開心公司畀我做自己鍾意做嘅創作。年尾要行畢業禮喇,因為過埋今年唔再係新人,要成長喇!」

Kerryta喺新歌MV中有性感演出,吸引唔少男Fans讚好。

Jace人靚聲甜,有學識,而且身材都唔差。

另Dusty Bottle主音Kerryta否認踢走ONE PROMISE及公子Oscar:「佢哋都有keep住做歌,只係我哋好彩做得比較快,公司畀我哋出先。」Jeff還爆戰友已有安排:「佢哋經已錄緊下年嘅歌,同埋明年會出大碟,完全唔係被踢走。」Dusty Bottle笑言他們都有策略性,就係加入性感靚女主音Kerryta後多咗唔少男fans,Kay仲留意到MV入面Kerryta夾晒腳臥牀,好吸引。

之前唱片公司派Jace去法國做音樂交流,Dusty Bottle非常羨慕。

Dusty Bottle落力幫新歌《What Did You Say》做宣傳。