肥妹公主X青BB王子 陳瀅Ian＠MIRROR自認同角色「相似」

大家又覺得呢？

相信大家都有看過《白雪公主》，公主雪要王子的親吻才能甦醒，而近日將會有一部講述公主要親吻王子，救王子的電影－《魔鏡肥緣》上映，電影由陳瀅（Jeannie）聲演肥妹公主「Baby」、MIRROR成員Ian聲演青BB王子「馬林」，二人異口同聲認同角色「相似」。

本網記者攝

《魔鏡肥緣》劇照

Jeannie和Ian都是第一次為卡通片配音，Ian直言：「因為第一次無乜經驗，原來啲語調係要特別誇張，即係開心嗰陣時要比起平時更加開心100倍、驚訝又要驚訝100倍，每樣嘢要做到誇張啲。」不過，他指聲音導演給他很大的空間發揮，例如需要吹口哨時讓他吹自己的歌。Jeannie聞言笑指：「係咪？佢無比空間我喎。」而她覺得最難的地方是講對白時要注意角色的開口、閉口，「速度同節奏要捉得好好，呢樣嘢對我嚟講就有啲難度，可能我本身咬字就唔算好清楚。」

Ian話配嗰時，導演同花姐都話好唔似佢平時，因為佢直情好似做緊戲，又好似好似小朋友自己玩緊咁。

Jeannie就話因為係Ian配先，佢配嗰陣就聲音導演話要再開心啲再誇張啲，因為對比起嚟，Ian好似好開心，但佢好似唔係好show對方，所以搞到佢要用更加大嘅energy去配。

對於分別聲演公主和王子，二人異口同聲認同角色「好似」，Jeannie笑言：「我覺得我好適合做，因為佢係個肥妹嚟嘅，咁我接呢套電影嗰陣我經理人同我講：喂想搵你做個聲音主演喎！我話：做咩啊？（經理人：）做肥妹啦梗係！唔怪得之你搵我啦，係岩做嘅。」

本網記者攝

《魔鏡肥緣》劇照

Ian同樣覺得自己和角色很相似，但並不是王子形態，而是青BB肥仔狀態，「即係佢個樣呀髮型呀啲動靜都同我好似，咁我亦都有啲fans真係cap咗佢啲片同相，然後拎我個樣嚟做對比，睇到啲表情真係一樣一樣！」

本網記者攝

《魔鏡肥緣》劇照

問到如果再有機會再為卡通片配音，有沒有其他角色想嘗試？Ian表示沒有想過，「因為我自己都鐘意睇動畫，嗰陣時就成日諗，如果可以配到音都幾好喎，即係代表住係香港呢一個角色就係我㗎啦，咁所以個成功感都幾大，所以如果之後再有機會嘅話，其實咩角色都可以試下。」Jeannie則直言想配比卡超，或如果有需要唱的的角色，她想聲演走音、唱得好難聽、專門搞氣氛的角色！

本網記者攝

本網記者攝

經過今次配音後，Jeannie指還有唱歌這個小小願望未做到，「我都有同公司講嘅，佢地就話睇下有無機會你可能遲啲嘅戲或者電影片尾或者片頭囉。」而Ian則表示今年主要工作都是唱歌跳舞，又演過舞台劇，所以最想就是嘗試拍電影，「咩都得㗎，搵我拍得㗎！總之我任勞任怨啦，比如我有啲隊友都話好想拍電影，佢就話有某一種角色某一種人物好想做，但我覺得對我嚟講演戲就係每一次都有唔同嘅角色，而係你無expect到咁我係最好玩！」

Jeannie雖然未試過唱歌，但佢個名曾經仰「萬能Key」，仲有首《陳瀅主題曲》，佢同劉佩玥同何雁詩都曾合唱過。

Ian今年除咗唱歌跳舞，都曾演出過舞台劇《如果只得一分鐘》。

本網記者攝

Ian
Make Up : Circle Chong @Annie G. Chan
Hair : Stone Cheng @private I salon
wardrobe : @Polo Ralph Lauren

Jeannie
Make up: Vanessa Wong
Hair: Larry ho @Aveda ilcolpo
Wardrobe : Cocktail

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。