必試冬天限定菜式~

聖誕未諗到食咩?不妨食好啲啦!最近Eaton HK旗下米芝蓮一星中菜廳逸東軒就為大家炮製冬日美食,目前天氣轉涼,最適合吃一些暖胃菜式,比如羊腩煲及煲仔飯,食完全身暖笠笠!

今次餐廳特以冬季海鮮炮製滋味套餐,以4款精選海鮮變出15味菜式,時令海鮮有加拿大象拔蚌、乳龍蝦、花英䱽魚及深海大虎蝦。

首先有足2斤的加拿大象拔蚌三味,一次可品嚐3種食法,有原汁鮮味的象拔蚌刺身、象拔蚌膽生滾粥,以及麻辣象拔蚌撈雞。

至於來自南非的新鮮乳龍蝦則可分6種食法,包括芝士焗開邊乳龍蝦、配蛋白炒勻的芙蓉乳龍蝦球,以及鮮蘆筍炒乳龍蝦球等。

而花英䱽魚亦有3種食法,如鮮蘆筍炒䱽魚球、煙䱽魚伴鮮果沙律,以及豉汁蒸䱽魚。

另外,深海大虎蝦同樣有3種食法,可選擇以蟹黄醬蒸的紅梅芙蓉虎蝦球、辣炒七味原隻虎蝦或茄汁炒鴻圖原隻虎蝦。

餐廳更為大家炮製2款冬至團圓套餐,包括四人用的九道菜逸東冬至慶團圓套餐及六人或十二人用的九道菜冬至菜譜賀團圓套餐。前者有明爐蜜汁叉燒及脆皮燒腩仔、一蝦兩食的金銀玻璃蝦球、養顏的蟹肉燴燕窩、十八頭鮑魚扣遼參、口感嫩滑的清蒸海星斑,以及外脆內嫩的鴻運脆皮雞等,甜品亦傳統原個馬拉糕和香滑綠豆沙。而後者則將燒味頭盤換上金陵醬燒原隻斬件乳豬,其中一道主菜亦升級為清蒸東星斑。

南安油鴨脾鴛鴦腸煲仔飯、生炒臘味糯米飯、馬友鹹魚肉餅煲仔飯

南安油鴨脾鴛鴦腸煲仔飯、生炒臘味糯米飯、馬友鹹魚肉餅煲仔飯

值得一提的是,餐廳特別加推冬日菜式,除了火鍋可以暖胃,煲仔飯及羊腩煲都能令大家全身暖笠笠呢!餐廳冬季精選菜單有生炒臘味糯米飯、以及數款煲仔飯,包括充滿油香的南安油鴨脾鴛鴦腸煲仔飯及鹹香味濃的馬友鹹魚肉餅煲仔飯。除了煲仔飯,亦有同樣暖身的咖哩薯仔羊腩煲、遼東枝竹羊腩煲、蘿蔔油鴨炆大鱔等。

逸東軒
地址﹕九龍彌敦道380 號Eaton HK B2 樓層
供應日期﹕即日至2019年12月31日(需及早預訂)
電話﹕2710 1093
營業時間﹕星期一至五11:00 – 15:00 / 18:00 – 23:00;星期六、日及公眾假期 10:00 – 15:00 /
18:00 – 23:00
價錢﹕(另收加一服務費)