*

upload_article_image

宇宙最強「收山」 甄子丹行超巿樂做老婆阿四

愛錫老婆都係宇宙最強

「宇宙最強」甄子丹除了打得,仲出晒名錫老婆汪詩詩,二人結婚16年依然恩愛,皆因丹爺講過乜都畀晒老婆,絕對係百分百嘅「愛妻號」。

模範夫妻 丹爺同詩詩結婚16年,一直都好恩愛。

雖然他拍親戲啲片酬都億億聲,但56歲的丹爺上周三(11月27日)宣布拍埋《葉問4》就「收山」唔再拍功夫片,似乎想留多啲時間陪老婆仔女。

試完即買 丹爺試食Nuts津津有味,即買兩包。

日前Free番好多嘅丹爺,一身街坊look陪素顏太太詩詩到中環行超市。

跟得老公 丹爺全程做跟得老公好Enjoy。

《頭條日報》見他跟住老婆去揀好多食品,兩人又商量買咩調味料,短短半個鐘手推車兩個籃Full晒。之後負責查數嘅詩詩畀完錢,丹爺就醒目地用手推車將三大袋食品推落樓下攞上座駕,全程親力親為,搞掂晒再拖住愛妻到四季酒店撐枱腳。見詩詩食飯時笑得好甜,就知呢個「阿四」有幾成功啦!

親力親為 丹爺親自推車將三袋食品推到樓下,仲拎埋上車,全程唔使司機同家傭幫手。

親力親為 丹爺親自推車將三袋食品推到樓下,仲拎埋上車,全程唔使司機同家傭幫手。

試完即買 丹爺試食Nuts津津有味,即買兩包。

丹爺為咗頭家多年來搏到盡拍戲,最威水係飾演「葉問」呢個角色,10年前拍完第一集勁受歡迎,到10年後拍到《葉問4》居然仲有捧場客,難怪丹爺都話要多謝大家咁多年嘅支持。

最後一擊 《葉問4》即將在下月20日上映,可欣賞丹爺最後一部功夫戲。

不過他覺得見好就要收,上周三(11月27日)為本月上映的《葉問4》出席宣傳活動時,他坦言今集唔單只係《葉問》系列嘅最後一集,亦都係佢最後一套功夫片,他解釋:「拍咗咁多電影,功夫片差唔多喇,《葉問4:完結篇》作為我嘅最後功夫片,希望可以寫下寶貴嘅一頁。」

一家和睦 丹爺一家四口感情好好,連他與前妻所生的大仔Jeff,亦不時參與家庭聚會。

其實有咁嘅決定,唔多唔少都係為咗老婆同仔女,因詩詩曾嘆老公拍戲唔定時,連假期都冇得預,通常要到last minute先知道,加上丹爺都56歲,係時間要享受人生,留多啲時間陪屋企人。