個個都愛心爆棚！
滿載善心的蘇永康、吳若希、劉鑾雄太太甘比（陳凱韻）今晨參與《心光傲行2019》慈善步行活動，為心光學校籌款。眾人早上9時精神奕奕抵達薄扶林道心光學校，而兩歲多的蘇永康女兒蘇展弘（Jazz）現身更成為焦點所在，母愛爆棚的吳若希不時撩他玩，但Jazz不怎麼喜歡，不時迴避。不過吳若希有老公何兆鴻(Alex)低調同行，就算Jazz不怎麼理她都沒有所謂啦！至於甘比是代表贊助單位劉鑾雄慈善基金出席。
蘇永康、吳若希親身力撐視障小朋友。
Jazz不怎麼理Jinny姨姨喎！
眾嘉賓上台發言前先帶上眼罩摸黑行20多步出會場，感受視障人士黑暗的世界，同時欣賞視障人士打鼓及唱歌表演。甘比大讚演得出色，更為他們打氣：「大家都是人，你們只是缺少了一點點東西，希望不要因為視障感到遺憾和自卑，其實完全沒有這回事，你們打鼓和唱歌真的做得很好。
Jinny和視障小朋友打成一片，老公何兆鴻(Alex)低調陪伴。
蘇永康、吳若希、劉鑾雄太太甘比一大早去體驗視障人士生活，好有愛心。
蘇永康曾住過心光學校對面，因為女兒愛看街景，年前見到心光學校外牆掛上一條籌款活動橫額，好奇心驅使下打去學校了解一下，原來當時正為學生籌款買樂器，但跟目標善款數字距離好遠，蘇康承諾幫忙自此便結緣。另外，被蘇永康稱呼為何吳若希女士的Jinny表示，因為年多前媽媽因自行車意外入院，受傷後視力都出了問題，所以她就決心幫助視障人士，榮幸能出一分力。
4大嘉賓鬥數「襟撈」三大型男當中一人更是國際級知名人士！
清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，19日10點半翡翠台播映最後一集。Mayanne邀來林盛斌（Bob）、朱咪咪、吳若希及袁偉豪（Ben）擔任嘉賓，大談「襟撈」定義兼八卦地狂數三名「襟撈」型男，分別是郭富城、碧咸及陳豪！事緣阿Bob談到「願意合照」是藝人襟撈其中一個準則時，Mayanne興奮地大談與碧咸的一次同台經歷：「當時我做MC，安排緊啲客同碧咸影相，佢就擰轉頭同我講『Would you like a photo as well？』」隨即引發全場尖叫，城城則獲阿Bob點名讚「合照來者不拒」。阿Bob又謂「願意合照」其實是藝人絕佳公關：「嗰個人搵你影相，係因為佢鍾意你，佢咁同你影第一佢好開心，第二可能放社交平台讚吓你。」阿Bob續指農夫亦相當識做：「有時面對一啲新人或業餘主持人，佢哋上台前會問製作單位位主持叫咩名，上到台就會叫嗰個人個名，個主持人就覺得受尊重。」即場被票選為「襟撈」代表的阿Bob及咪咪姐，更大方分享演藝界「襟撈」金科玉律，密切留意。
最後一集嘉賓有吳若希、袁偉豪
朱咪咪同林盛斌
Mayanne講番當年碧咸主動問佢使唔使合照時，吳若希瘋狂尖叫。
袁偉豪成功過渡看淡負評：最好唔好講嘢
至於被即場票選為「唔襟撈」代表的吳若希，及舉手自認唔襟撈的阿Ben，亦先後獲機會「自辯」。其中自與太太張寶兒結婚後飽受不少負評的阿Ben，直認當初確實介意，但現在已看化：「我覺得你可以有自己睇法，但最好唔好講嘢，唔好喺網上表達自己意見，就算好簡單講句『我唔鍾意』，每個人接收你嗰句唔鍾意都有唔同睇法。」、「其實普遍大部分觀眾都唔認識我，同時仲會對我多咗個睇法，自己喺工作上努力咗咁多年會覺得唔抵；為頭家點點點，到頭來都有網民對你有另外睇法。當然嗰個係一個階段，呢刻你問番我，人生其實幾咁美好，生咗小朋友又可以同小朋友玩，亦冇咁在乎得失同人哋評價，咁其實就冇嘢。」阿Ben說畢，Mayanne及現場嘉賓即爭相指他放鬆了不少，對此阿Ben搞笑謂：「如果咁都唔鬆，真係唔使再撈喇！」
對於網民嘅聲音，袁偉豪明顯睇淡咗好多。
吳若希親解頒獎禮Over舉動背後真相
四位嘉賓還大派花生，Mayanne重提吳若希當年在《勁歌金曲》頒獎禮中，當宣布菊梓喬獲得女歌手獎時，如何overreact令全場爆尷的往事：「我喺個台度心諗：『吳若希你收斂少少好冇呀？你興奮過得獎嗰個，唔該你坐番低啦！」』吳若希即解畫謂：「因為我好緊張，當刻我心諗我未夠班，千祈唔好頒畀我呀，我攞咗又要畀人鬧喇。」Mayanne續指當時大會司儀都在台上盤數如何為吳若希打圓場，咪咪姐聞言即搞笑搭嗲：「點兜啫，做到咁出面！」Mayanne繼續「針對」若希謂：「我成日懷疑點解佢仲喺呢行，佢成日辣著網民，我同佢影合照放社交平台，啲人會喺我度留言問我點解仲同呢個人做朋友。」並指若希出事原因是經常「公審」老公，咪咪姐聞言勁驚訝：「呢啲私隱做乜擺上網？」到底自封「小辣椒」的吳若希會點樣回應？
對於吳若希喺網絡「公審」老公，咪咪姐大表費解。
咁到底吳若希會點回應？
Mayanne重演番吳若希當年喺頒獎禮失態一幕。
吳若希就解釋番當時嘅心情。
至於阿Bob的大型花生，就是當Mayanne問他接Job有沒有底線時，他揞名爆曾推掉一部三級片，隨即惹起哄動，阿Bob更會娓娓道來當時推卻邀約的真相！之後若希追問：「如果搵你好似黎諾懿要露半個pat pat呢？」阿Bob竟爽快以五個字答案回應，到底又是甚麼？另阿Bob還親述曾親自回應網民負評的往事，最終成功將嬲到爆粗留言的網民最後變成留言為阿Bob打氣，打底阿Bob如何以奇招化解戾氣？密切留意今晚最後一集《Mayanne小喇叭》。
阿Bob一講話曾經有人搵佢拍三級片，震撼到Mayanne即刻企起身。
吳若希追問林盛斌裸露底線，阿Bob個答案當然絕啜核啦。
吳若希追問林盛斌裸露底線，阿Bob個答案當然絕啜核啦。
阿Bob講番當年同細細粒嘅激烈親熱戲時，一度嚇親咪咪姐。
對付負評，阿Bob有自己一套嘅應對方法。
呢一集曾展望會為自己一件好唔識撈嘅往事公開道歉，到底咩事咁大件事？
