唔知胡鴻鈞戀蔡思貝 許廷鏗大嗌「失戀」

兩位夠老友。

許廷鏗（Alfred）、鄭欣宜（Joyce）、李幸倪（Gin Lee）、泳兒、吳浩康及MIRROR等今日出席《新城勁爆頒獎禮2019》記者會，對於有傳許廷鏗密友胡鴻鈞（Hubert）移情別戀蔡思貝，成為傳媒焦點的Alfred甫到場便嗌頭痛，笑問是否因Hubert被爆戀上蔡思貝，導致他「失戀」到頭痛？Alfred說：「頭痛冇咗隻麻雀腳呀？現在我斷腳呀！牌品好的麻雀腳難求，雖然Hubert牌品一般，但現在最重要是誠徵麻雀腳，哈哈！」

欣宜快啲安慰吓許廷鏗啦。

Alfred又扯開話題指頒獎禮相繼取消感可惜，朋友也替他不值，難得他今年成績好卻無緣上台領獎，而原定的頒獎禮檔期則接了其他工作，期待明年能再參與。

許廷鏗係咪要翻唱張學友的《情已逝》呢。

記者再追問，會否趁空閒約Hubert打牌傾心事？Alfred指二人上場無父子，甚少在牌桌上傾心事，故不知道「胡蔡戀」是否屬實。他說：「最近天氣凍，不少朋友都有新戀情，但我仍單身，搵麻雀腳緊要過拍拖啦！」他又澄清沒有在社交網站抒發「失戀」情緒，只是宣傳新歌歌詞，希望網友不要過份解讀。他說：「我知有些粉絲對我與Hubert的緋聞有很多幻想，也知道他們有個群組叫「大Fred的愛」，相信謠傳是由這個群組傳出來，但自己覺得得啖笑！」問到會否祝福「胡蔡戀」？他笑說：「都係嘅！仲可以點呀？哈哈！過去讓它過去，大家開心就得啦！其實我做音樂㗎，也不知為何要答這些，大家唔好搞我啦，哈哈！」

傳蔡思貝(後排左3)、胡鴻鈞(前排左2)拍《降魔的捉妖遊戲》撻著。

另外，問到欣宜有否安慰「失戀」的Alfred？欣宜笑言有戀過才能失，但不清楚「胡許」的關係，只覺得自己似單戀Alfred，皆因對方甚少找自己，故控訴他沒有良心。至於Alfred誠徵麻雀腳？欣宜即舉手說：「我識打麻雀，亦好鍾意打，但他不搵我，我嬲！其實我識打麻雀也是Alfred教，細個好抗拒學打牌，一來因為媽咪太勁，二來覺得一班人長時間坐在麻雀枱不郁好奇怪，現在學識了才明白為何媽咪揀麻雀都不揀我，哈哈！」

Alfred咁傷心仲要被傳媒追問感情事，冇陰功呀！

又談到另一位好友謝婷婷早前帶女返港，欣宜大呻無緣見面，但婷婷經常傳送女兒的照片給她看，問她可有生B衝動？她笑說：「我一向都有衝動，長期都有，完全沒有含蓄過。」

欣宜舉手要做Alfred麻將腳真係夠義氣。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。