撼「小鮮肉」姜濤爭男歌手獎 31歲許廷鏗坦承會尷尬

心境年輕就得啦！

許廷鏗（Alfred）及菊梓喬（Hana）等今日出席港台「中學生聲演比賽」記者會，原來Alfred人生中首個獎項於小三時在英詩朗誦中得第三名，往後參加歌唱比賽卻與獎無緣，只是有幸當歌手及出碟。今日他與中學生同場，問他有否驚覺自己已變叔叔？Alfred即否定說：「冇喎！我反而覺得最近年輕咗，因為經常同學生合作，又冇乜代溝喎。我會偷睇網上投票嘅fans資料，原來唔少我fans係90後及00後，證明我嘅觀眾群好年輕。」

31歲許廷鏗絕對做到20歲姜濤嘅uncle。

許廷鏗望今年有樂壇成績表有佳績，就算同後輩爭獎都唔會咁尷尬。

談到他今年正是跟「小鮮肉」MIRROR爭獎，Alfred無奈說：「真係有啲難度，我31歲喇，差唔多大姜濤一個圈（12年），希望有好成績，我就唔使太尷尬喇，哈哈！」另對於胡鴻鈞在社交網站以「一笑而過」來回應與蔡思貝的緋聞，Alfred說：「大家笑住咁過啦！」

MIRROR深受人歡迎。

胡鴻鈞跟Alfred密友關係，係咪「一笑而過」呢？

許廷鏗及菊梓喬等今日出席港台「中學生聲演比賽」記者會。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。