*

upload_article_image

鄧兆尊掛住鋤書冷落女伴 激到大婆買雪糕下火

有時,睇下書仲好......

相信不少男士都好羨慕鄧兆尊,事關52歲的他一人坐擁3個女伴,大婆Carmen、二奶Cherry(車厘子)和三奶Claire仲幾好感情,經常3姊妹陪住兆尊周圍貢!不過,早排Claire成功修身獲兆尊寵幸,搞到另外兩位即被打入「冷宮」,好在望穿秋水,日前《頭條新聞》見到Carmen終於被「點燈」,有幸跟兆尊單獨行街街,惜全程遭對方冷落,激到Carmen要買雪糕降火!

鄧兆尊日前帶大婆Carmen去行街,惜男方只顧咪書,激到Carmen要買雪糕降火!

見兆尊(右)唔多理自己,Carmen嬲嬲哋去買一大籃雪糕降溫!

已故名伶新馬師曾遺孀洪金梅早前病逝,本來身家億億聲的長子鄧兆尊,有傳仲會分多一大筆遺產,但他強調:「我唔係好鍾意錢!」確實,看兆尊平日衣食住行都好樸素,最多姿多采的,只有其豐富的感情生活,事關他每逢出入都有3條Queen陪住,享盡齊人之福!日前傍晚6點,兆尊帶同大婆Carmen出街,共度二人世界。

Carmen(左)單獨同兆尊行街街,結果換來對方冷待。

兆尊(右)來到幫手揀雪糕,不過只限於出口沒有出手。

當日天氣轉冷,一向瘦蜢蜢的兆尊,穿上厚厚的衛衣襯運動長褲,跟Carmen一同由時代廣場行去天樂里,惟身旁甚有「福態」的Carmen卻穿短袖Tee配褲仔,露出一對白雪雪「肉」腿,非常夏日!其間兆尊一路行一路專注地咪書,即使另一半望住自己,他都無動於衷,可憐被無視Carmen嬲到面燶燶,一支箭向前衝,更走去便利店買雪糕降吓溫,甫進店她便快手於雪櫃拎咗幾支甜筒,之後繼續左摷右摷都未揀啱心水,施施然行到的兆尊只望了一望。

唔知咩書咁好睇呢?兆尊再次睇到入晒神,Carmen即刻黑面。

未知是否買埋好姊妹車厘子和Claire嗰份呢?見對方愈攞愈起勁,幾乎裝滿成個購物籃,兆尊即刻依起棚牙尷尬笑,而Carmen就咪咪嘴露出滿足的笑容。畀完錢後,Carmen抽住袋雪糕尾隨兆尊到附近傢俬店Window shopping,見舖頭已收工,兩人便行返永祥大廈寓所。

前年兆尊生日,大婆Carmen(前中)、二奶Cherry(後左四)和三奶Claire(後左三)齊為他慶生。

「祥嫂」洪金梅(右)今年7月病逝,兒女兆尊(中)和碧玉等早前已幫媽媽完成身後事。

離開便利店後,Carmen拎住大袋雪糕陪兆尊睇沙發。