*

upload_article_image

7億富婆甘願做阿四 曹央雲為愛女速遞壽司

世上只有媽媽好

現年45歲的94年亞姐季軍曹央雲,貴為7億資產的富婆,面對家中兩位千金Audrey和Promise,都要跪低做「阿四」!日前收到Order,曹央雲即化身「外賣速遞員」,為囡囡撲出銅鑼灣超市買壽司,惜未知對方是否要求多多,左揀右揀,搞到她頭髮都亂埋!

單親媽咪曹央雲多年來獨力湊大兩個女兒。

曹央雲日前化身「外賣速遞員」,在超市為囡囡買壽司。

曹央雲一邊揀壽司,一邊透過電話「諮詢」囡囡意見。

自09年跟富商何永安離婚後,曹央雲一直獨自湊大16歲的大女Audrey和10歲的幼女Promise,多年來她都錫到囡囡燶,更甘願做「阿四」服侍她們。而日前晚上7時許,《頭條新聞》見到曹央雲現身銅鑼灣時代廣場一間超市,穿上一條粉藍色連身短裙的她大晒白滑纖腿,雖然已四十有五,但驟眼睇,與一般輕熟OL無異,依然保養得宜。當日甫走進店內,曹央雲即衝去冷藏櫃前揀壽司,只見她一路眼望望,一路不停拎住個電話講,跟手拎起盒加州卷又放番低,估計電話另一邊是其中一位千金,而做阿媽的曹央雲應該在問緊寶貝女想食乜。結果揀了足足15分鐘,她終於選定了三盒壽司,為免買錯畀囡囡投訴,曹央雲用手機影低Send給對方,再三確認。 

曹央雲逐一拎起揀好的壽司拍照,再Send相給囡囡確認。

曹央雲揀壽司揀到面有難色、頭髮都亂埋,未知是否囡囡太多要求。

服侍完囡囡,曹央雲終於得閒睇吓芝士。

收到電話Confirm後,曹央雲便安心地推住架車仔再逛吓,見到一堆靚芝士,她就忍唔住拎起一嚿芝士起勢又聞又撳,不過索得幾仔細都好,最後都係齋睇冇買;之後,在隔離看到一啲鬼佬醃製品,曹央雲又手多多拎一樽研究,結果還是睇唔啱,直接攞住幾盒壽司去畀錢,然後急急腳行返禮頓山寓所餵女。

曹央雲與富商何永安(右)於09年離婚。

之後曹央雲又拎起樽醃製品研究,都係齋睇冇幫襯。

坐擁7億資產的前亞姐季軍曹央雲,日前化身「外賣速遞員」幫囡囡買壽司。