離TVB賣生果搵到食 喬寶寶入行13年勁賺千萬

都可算豐收

因為under show，本身跟TVB還有一年生約的喬寶寶決定唔再留低，提早於10月離巢，與TVB結束13年多的賓主關係。雖然唔捨得，但成年冇工開都唔係辦法，趁明年4月返蘇格蘭慰妻前，喬寶寶盡力喪賺在港的最後一桶金。日前勤力寶寶拉埋陳蕊蕊去將軍澳厚德街市做sales，力推最新引入的韓國提子，寶寶仲餵蕊蕊食，大讚提子大大粒，又甜又爽似足蕊蕊咁正喎，兩人你一句我一句，話咁快速銷咗幾箱。

喬寶寶拉埋似韓妹嘅蕊蕊及韓國農業部部長到街市推廣，笑言食完提子會好似蕊蕊咁靚。

喬寶寶餵34F嘅蕊蕊食大大粒提子時，個樣好鬼馬。

原來由引入新品種提子到策劃推廣，喬寶寶都有份構思。他向《頭條日報》坦言少咗大台遮蔭，乜都要「跑數」：「市道真係麻麻，工作量唔多，好彩水果生意幾穩定，都佔咗我一半以上收入，而家唯有行多幾步，諗啲新嘢可以刺激吓經濟，同埋刺激一吓自己個荷包。呢款提子應該係全港獨家，靚水果大家都會食，都有商機嘅，所以就算之後長居蘇格蘭，生果生意都無意撤資，而且大老闆好好，仲答應分多一成花紅畀我。」

2005年，喬寶寶參加《殘酷一叮》入行。

喬寶寶好快返蘇格蘭陪喬嫂嫂。

喬寶寶入行前於懲教署任職至二級懲教助理，2005年參加《殘酷一叮》，06年正式入行，他坦言這13年來勁賺1000萬，都算係大豐收：「不過8成收入歸老婆，自己只得兩成，佢儲蓄畀小朋友，亦會畀娘家，我一向唔問由佢發揮啦，反正係多餘錢，咪畀佢囉，有時我有需要用錢問佢拎，佢都唔會問長問短，大家講個信字。不過，我唔打算50歲退休，各大平台第日有嘢做都會返嚟，過到去蘇格蘭好想同喬嫂嫂周圍玩，兼且好想湊孫。最安慰係大仔印度豹Inderpal好勤力，已持有兩個物業，我喺蘇格蘭有經營餐館，三餐飽飯OK嘅，都唔愁下半生。」

大仔印度豹Inderpal與醫師太太Manjit結婚，喬寶寶兩公婆安樂晒。

喬寶寶在情人節前夕兼與「喬嫂嫂」的結婚周年，在社交平台貼出34年的前婚照，隨即獲網民大讚是「型男美女」！

53歲的土生土長印裔香港人喬寶寶於2005年參加TVB節目《殘酷一叮》一「叮」成名，及後加入TVB成為演員，參演過不少劇集和電影，直到2012年因為「喬嫂嫂」申請香港護照被拒，以及兒子的關係，舉家移民蘇格蘭，一度退出娛樂圈，翌年回港復出，直到2020年，喬寶寶與TVB提早解約，回到蘇格蘭和家人團聚。現正過着半退休生活的喬寶寶，近年以弄孫為樂，間中仍回港或北上掘金，不時都會分享一家人的日常點滴。在情人節前夕，喬寶寶難得晒與「喬嫂嫂」Gurinder Kaur Gill的陳年婚照，隨即引來網民熱論。

喬寶寶當年憑《殘酷一叮》一「叮」成名。

喬寶寶現正過着半退休生活，以弄孫為樂。

大仔「印度豹」育有一對仔女。

喬孫孫和喬愛美都好可愛！

喬寶寶在情人節前夕貼出與「喬嫂嫂」34年前的婚照，並發表愛的宣言公開放閃，「農曆大年初四，有些民眾今天迎財神。 34年前，我雖然盲婚啞嫁，但幸遇到了一位財神般的老婆。她是我生命中最重要的人，我感謝上天讓我遇到了她。我們共同經歷了許多困難與挑戰，但她始終堅定地支持著我，給予我力量和勇氣。她的愛如同溫暖的陽光，照亮了我一生的道路。」

相中可見，當年年約19歲的喬寶寶擁有濃眉大眼及W下巴，身形比現時瘦兩個碼，高大又俊俏，而「喬嫂嫂」五官相當深邃，十足寶萊塢（Bollywood）女星般靚爆鏡，不少網民看過照片都表示驚艷，紛紛留言大讚：「喬嫂嫂真係好靚，好有明星樣，星味十足」、「嘩！原來喬嫂嫂多財又靚女，你就好啦、執到寶。不過你都多才多藝又靚仔。你哋天作之合、天生一對」、「原來年輕時都幾英俊瀟灑喎」、「遇到個好老婆，值得感恩」、「型男美女，兩個都係咁靚」、「喬嫂好靚女！遇到對的人是一件美好、幸福的事，恭喜恭喜！」

型男索女！

喬寶寶早年曾於商台節目《1圈圈 星光背後》中透露，他婚前有一位初戀女友是香港人，但喬媽媽認為即使不在印度也應娶同鄉，身為孝順仔的他只好忍痛與初戀分手，之後喬媽媽就拿出三張照片讓兒子選妻，三位分別是來自加拿大的富婆、英國的富婆和印度的「喬嫂嫂」，喬寶寶最終選了「喬嫂嫂」，因為雙方家底及年齡相近，更坦認貪「喬嫂嫂」樣靚身材正，最終二人於1990年結婚，並先後誕下兩名兒子。雖然是盲婚啞嫁，感情亦是在婚後慢慢培養出來，但喬寶寶一直很愛太太，更將七成收入交給太太，連銀行存摺都在太太手上，「由老婆管錢最好，反正都用喺小朋友身上！」

喬寶寶曾坦認選「喬嫂嫂」結婚，除了因為雙方家底及年齡相近，亦因認貪對方樣靚身材正。

雖然是盲婚啞嫁，感情亦是在婚後才慢慢培養出來，但喬寶寶一直很愛太太。

喬寶寶與「喬嫂嫂」婚後育有兩子。

大仔「印度豹」早年已成家立室。

兩夫仔閒時湊孫。

生活幸福美滿。