C君娶拍拖5年女友黃天頤 兄弟團大妗姐鬥搶鏡

C君今日做老襯，恭喜恭喜！

農夫成員C君（鄭詩君）今日迎娶拍拖5年的港台DJ女友黃天頤，並於晚上在中環四季酒店擺酒。今日下午，穿上傳統馬褂的C君則浩浩蕩蕩，與一眾星級兄弟團到酒店接新娘，當中包括陸永、蕭正楠（Edwin）、黃翠如、洪永城等，而好友唐詩詠就充當大妗姐一角。

農夫成員C君今日同拍拖5年的港台DJ女友黃天頤結婚了！

甫到達新娘房時，兄弟團第一時間付上開門利是，其間姊妹們一度提出9990萬的銀碼，C君一聽到即抵死笑道：「呢個數李嘉誠都娶唔到老婆啦！」身旁的Edwin即向各兄弟「眾酬」，陸永突然高呼：「嘩！真係厚到利是封都擺唔落呀！」原來他們「作弊」用銀紙包住一包紙巾，結果被姊妹們發現即起哄，Edwin打趣道：「黃翠如得入面嗰包咋！」最終，C君以一封「開心大利是」順利過關。

着到紅噹噹的唐詩詠（左）充當大妗姐一角。

到玩新郎環節，C君與兄弟團先穿上美少女戰士服，模仿美少女戰士變身，其後他再戴上眼罩口含唇膏，為兄弟塗上「大Red唇」，然後兄弟們嘴貼嘴傳一塊心心透明膠片，見Edwin與洪永城最得如此肉緊，真係有點令人打了冷震！最後，兄弟又「零距離」向住瞓在地上的C君，一邊口含威化餅一邊做掌上壓，仲要每做9吓便說出一句恭賀說話，搞到C君被噴到一面餅碎！

玩新郎環節，C君蒙眼幫兄弟洪永城塗紅唇膏。

順利過關後，C君便宣讀自己所寫的「愛的誓言」，他表示：「天頤婚前一直都唔畀我叫老婆、太太，就算有人叫佢做C君老婆，佢都第一時間否認，強調只係我女朋友。不過，過咗今日可以每日叫你老婆啦！一直以嚟好多新人都係讀愛的宣言，但係宣言係可以改或者唔算數，我自己度咗一段愛的誓言，如果做唔到就天打雷劈。」天頤聽到老公夾雜文言文的誓言既感動又開心，惟一對新人非常含蓄，新郎哥只輕錫老婆面頰一下。此外，擔任大妗姐的詩詠可能未背熟台詞，出現食螺絲的情況，場面爆笑。

蕭正楠同洪永城嘴貼嘴傳心心透明膠片，黃翠如在側邊看得好開心！

兄弟們一邊口含威化餅，一邊向住瞓在地上的C君做掌上壓！

一對新人影番張Selfie紀念一下先！

黃翠如、周奕瑋及C君首度碰頭已經好有「火花」！

全新綜藝節目《渣打優先理財特約： Grand 住去台北》，由今晚（20日）開始，一共兩集於周六晚九點翡翠台播映。節目由拍攝旅遊節目經驗豐富的黃翠如及周奕瑋（Jarvis），首度夥拍名嘴兼「綜藝大腦」C君擔任主持，以「相愛相殺」的搞笑互寸方式，帶領觀眾體驗香港人最愛旅遊熱點之一的台北的不一樣豪華體驗，並齊齊首度體驗包機外遊滋味。

三位首度碰頭已經好有「火花」。

DoDO姐好搶鏡。

呢間一星米芝蓮餐廳嘅每一道菜都好有特色，三位主持都食很好開心。

以介紹衣食住行豪華新體驗為宗旨的《Grand住去台北》，今晚播出的第一集將介紹三大特色豪華體驗，包括連續六年獲得米芝蓮的一星當代料理餐廳、五星級豪華露營車體驗，及充滿藝術氣息兼有無限打卡位的台灣新興精品商場。先說米芝蓮一星餐廳，除了8道特色料理只需約970港元CP值夠晒高，每道菜選用的材料亦甚有特色，先後有紫色海膽汁、台灣地道蔥油餅，及檳榔入饌等，其中一味石班魚更令三隻搗蛋鬼玩個不停。食完大餐，三人與負責設計及主理菜式、來自香港的廚師Chef Kin閒談，Chef Kin開心share了在台灣創立富有自己特色料理的進程，並指料理特色是呈現「廚師本身的故事及心路歷程」，C君聞言即感嘆謂：「我哋食咗你嘅人生。」

食食吓仲搞埋爛Gag。

每一道菜其實都係Chef Kin嘅人生同經歷縮影。

翠如為咗影靚相無所不用其極。

Room Tour都搞到好歡樂。

球場得意嘅翠如，喺煮場就相當失意。

體驗露營車期間，翠如則模特兒上身大晒玉臂跪求「攝影擔當」C君影靚靚寫真，Room tour期間三人再度大玩床照沙龍，C君更驚爆翠如是風水物：「黃翠如係風水物，佢喺任何地方啲風水都好好多架！」之後三人各自在精品商場搵節目，翠如獨自到了一間以文青風做主打的書店尋寶，並大爆自己出Trip時的怪癖：「我去到唔同國家都會買一本書，仲要買當地嘅語言，所以喺唔同國家買嘅書，我全部都係睇唔明，但我就係鍾意擺喺度。例如我有本德文書、一本非洲雜誌等，雜誌係我好鍾意買嘅嘢，因為可以睇到當地人嘅生活。」

搞到C君嬲嬲豬。

翠如自揭怪癖，就係鍾意買埋啲睇唔明嘅書。

三人出發之前，在香港機場亦有趣事發生，就是偶遇了英文名叫DoDo的靚女地勤，DoDo更配合三位無聊的主持大玩爆肚式「角色扮演」，盡顯美貌與喜感一面，令C君大感驚艷之餘，亦為整集節目加添了一個小彩蛋。

Jarvis去咗學滑雪，個樣都幾驚青喎。

翠如另外仲去咗一個好有特色嘅展覽。