C君台上怕醜咀老婆 被陸永爆似足老夫老妻

陸永仲爆C君一見鍾情玩暗戀......

「農夫」成員C君與拍拖五年的DJ女友黃天頤，今晚於中環四季酒店大擺21圍婚宴，好拍檔陸永與老友黃翠如、蕭正楠及洪永城等出任星級兄弟團，唐詩詠則擔當大妗姐重任。

C君向黃天頤許下愛的誓言。

新郎C君和新娘天頤在婚宴前現身，表現怕醜，在鏡頭前咀嘴兩次。現場佈置一龍一鳳刺繡，還有C君特別邀日本書法家寫的「幸福」二字。大妗姐詩詠笑言難過講劇本對白，讚一對新人絕配。陸永笑指一對新人尤其高度合襯，又爆他們認識20年，C君一見鍾情暗戀天頤，有情人終成眷屬，不用教二人相處之道，已相處很好如老夫老妻。

C君與黃天頤在註冊儀式上，甜蜜一吻。

C君就不認暗戀，揚言是明戀，反擊兄弟陸永結婚無擺酒有何資格評論，真心佩服擺過酒的人，因麥玲玲師傅指點上頭時間很夜，他只睡了幾小時。他又反擊陸永老夫老妻言論，笑言對未拍拖就結婚生仔的人來講，任何人都是老夫老妻。

儀式完成後，新娘黃天頤拋花球。

新娘子則爆陸永拍拖從未多過兩年，自有小朋友就脫胎換骨。C君再加把嘴讚陸永好有責任感。C君解釋接新娘一段「愛的誓言」是參考黃子華的棟篤笑，只為搞笑，但見到太太行出來原來真會感動到眼濕濕。

C君與黃天頤正式簽紙，成為夫婦。

拍拖五年的C君與黃天頤，今晚舉行婚禮。

蕭正楠、黃翠如、唐詩詠、陸永及洪永城出席好友婚宴。

黃翠如、周奕瑋及C君首度碰頭已經好有「火花」！

全新綜藝節目《渣打優先理財特約： Grand 住去台北》，由今晚（20日）開始，一共兩集於周六晚九點翡翠台播映。節目由拍攝旅遊節目經驗豐富的黃翠如及周奕瑋（Jarvis），首度夥拍名嘴兼「綜藝大腦」C君擔任主持，以「相愛相殺」的搞笑互寸方式，帶領觀眾體驗香港人最愛旅遊熱點之一的台北的不一樣豪華體驗，並齊齊首度體驗包機外遊滋味。

三位首度碰頭已經好有「火花」。

DoDO姐好搶鏡。

呢間一星米芝蓮餐廳嘅每一道菜都好有特色，三位主持都食很好開心。

以介紹衣食住行豪華新體驗為宗旨的《Grand住去台北》，今晚播出的第一集將介紹三大特色豪華體驗，包括連續六年獲得米芝蓮的一星當代料理餐廳、五星級豪華露營車體驗，及充滿藝術氣息兼有無限打卡位的台灣新興精品商場。先說米芝蓮一星餐廳，除了8道特色料理只需約970港元CP值夠晒高，每道菜選用的材料亦甚有特色，先後有紫色海膽汁、台灣地道蔥油餅，及檳榔入饌等，其中一味石班魚更令三隻搗蛋鬼玩個不停。食完大餐，三人與負責設計及主理菜式、來自香港的廚師Chef Kin閒談，Chef Kin開心share了在台灣創立富有自己特色料理的進程，並指料理特色是呈現「廚師本身的故事及心路歷程」，C君聞言即感嘆謂：「我哋食咗你嘅人生。」

食食吓仲搞埋爛Gag。

每一道菜其實都係Chef Kin嘅人生同經歷縮影。

翠如為咗影靚相無所不用其極。

Room Tour都搞到好歡樂。

球場得意嘅翠如，喺煮場就相當失意。

體驗露營車期間，翠如則模特兒上身大晒玉臂跪求「攝影擔當」C君影靚靚寫真，Room tour期間三人再度大玩床照沙龍，C君更驚爆翠如是風水物：「黃翠如係風水物，佢喺任何地方啲風水都好好多架！」之後三人各自在精品商場搵節目，翠如獨自到了一間以文青風做主打的書店尋寶，並大爆自己出Trip時的怪癖：「我去到唔同國家都會買一本書，仲要買當地嘅語言，所以喺唔同國家買嘅書，我全部都係睇唔明，但我就係鍾意擺喺度。例如我有本德文書、一本非洲雜誌等，雜誌係我好鍾意買嘅嘢，因為可以睇到當地人嘅生活。」

搞到C君嬲嬲豬。

翠如自揭怪癖，就係鍾意買埋啲睇唔明嘅書。

三人出發之前，在香港機場亦有趣事發生，就是偶遇了英文名叫DoDo的靚女地勤，DoDo更配合三位無聊的主持大玩爆肚式「角色扮演」，盡顯美貌與喜感一面，令C君大感驚艷之餘，亦為整集節目加添了一個小彩蛋。

Jarvis去咗學滑雪，個樣都幾驚青喎。

翠如另外仲去咗一個好有特色嘅展覽。