娛圈事
男親女愛組合合體啦！
拍拖五年的C君與黃天頤，今晚舉行婚禮。
農夫的C君昨日娶老婆擺喜酒，鄭裕玲（Do姐）畀面到場並笑言「唔知新娘鍾意佢乜？」，但其實她很替C君開心，否則向來早睡的她不會捱眼瞓去飲。
C君咀嘴老婆後就宣佈起菜了。
Do姐在婚宴上還跟最佳拍檔黃子華碰頭一起坐，她在社交網貼上二人合照，留言：「很久沒有去飲！恭喜 @ckwancheng（C君ig帳號）」。網民隨即想起「《男親女愛》」、「余樂天同Miss Mo」，還唱「藍藍天空高掛我的夢」，更有問：「Do姐是因為子華才去的嗎？ 出年《男親女愛》20年呀！sorry 應該恭喜下好大面的主角 C君新婚快樂！」。
黃子華與Do姐重聚總令觀眾想起《男親女愛》，洪永城、唐詩詠、黃翠如和蕭正男見到都要集郵合照。
另一張照片是Do姐和黃子華身後，企了蕭正楠和黃翠如夫婦，及過氣情侶洪永城與唐詩詠的合照，網民就話「三對真，假，離情侶」。Do姐還放了一對新人在台上甜蜜咀片段，C君即說：「好啦，真正起菜啦係咪呀！」全場歡呼拍掌。
網上圖片
黃翠如、周奕瑋及C君首度碰頭已經好有「火花」！
全新綜藝節目《渣打優先理財特約： Grand 住去台北》，由今晚（20日）開始，一共兩集於周六晚九點翡翠台播映。節目由拍攝旅遊節目經驗豐富的黃翠如及周奕瑋（Jarvis），首度夥拍名嘴兼「綜藝大腦」C君擔任主持，以「相愛相殺」的搞笑互寸方式，帶領觀眾體驗香港人最愛旅遊熱點之一的台北的不一樣豪華體驗，並齊齊首度體驗包機外遊滋味。
三位首度碰頭已經好有「火花」。
DoDO姐好搶鏡。
呢間一星米芝蓮餐廳嘅每一道菜都好有特色，三位主持都食很好開心。
以介紹衣食住行豪華新體驗為宗旨的《Grand住去台北》，今晚播出的第一集將介紹三大特色豪華體驗，包括連續六年獲得米芝蓮的一星當代料理餐廳、五星級豪華露營車體驗，及充滿藝術氣息兼有無限打卡位的台灣新興精品商場。先說米芝蓮一星餐廳，除了8道特色料理只需約970港元CP值夠晒高，每道菜選用的材料亦甚有特色，先後有紫色海膽汁、台灣地道蔥油餅，及檳榔入饌等，其中一味石班魚更令三隻搗蛋鬼玩個不停。食完大餐，三人與負責設計及主理菜式、來自香港的廚師Chef Kin閒談，Chef Kin開心share了在台灣創立富有自己特色料理的進程，並指料理特色是呈現「廚師本身的故事及心路歷程」，C君聞言即感嘆謂：「我哋食咗你嘅人生。」
食食吓仲搞埋爛Gag。
每一道菜其實都係Chef Kin嘅人生同經歷縮影。
翠如為咗影靚相無所不用其極。
Room Tour都搞到好歡樂。
球場得意嘅翠如，喺煮場就相當失意。
體驗露營車期間，翠如則模特兒上身大晒玉臂跪求「攝影擔當」C君影靚靚寫真，Room tour期間三人再度大玩床照沙龍，C君更驚爆翠如是風水物：「黃翠如係風水物，佢喺任何地方啲風水都好好多架！」之後三人各自在精品商場搵節目，翠如獨自到了一間以文青風做主打的書店尋寶，並大爆自己出Trip時的怪癖：「我去到唔同國家都會買一本書，仲要買當地嘅語言，所以喺唔同國家買嘅書，我全部都係睇唔明，但我就係鍾意擺喺度。例如我有本德文書、一本非洲雜誌等，雜誌係我好鍾意買嘅嘢，因為可以睇到當地人嘅生活。」
搞到C君嬲嬲豬。
翠如自揭怪癖，就係鍾意買埋啲睇唔明嘅書。
三人出發之前，在香港機場亦有趣事發生，就是偶遇了英文名叫DoDo的靚女地勤，DoDo更配合三位無聊的主持大玩爆肚式「角色扮演」，盡顯美貌與喜感一面，令C君大感驚艷之餘，亦為整集節目加添了一個小彩蛋。
Jarvis去咗學滑雪，個樣都幾驚青喎。
翠如另外仲去咗一個好有特色嘅展覽。
