加油陳家樂！
英皇電影來年賀歲檔強勢「雙龍出海」，包括：林超賢導演繼《紅海行動》後，與最佳拍檔彭于晏攜手炮製超級特技大製作《緊急救援》，另一部就是葉念琛執導，陳家樂和李靖筠（Gladys）呈獻的愛情浪漫喜劇《我的筍盤男友》，將於大年初一開畫！
點擊看圖輯
英皇電影下月推出兩套好戲賀歲！陳家樂在農曆年將有《我的筍盤男友》及《緊急救援》連環上映，他直言：「以現今市道，我居然在新年有兩齣電影上畫，確是一支大大的強心針，鼓勵我在這個行業繼續努力！」
陳家樂在農曆年將有《我的筍盤男友》及《緊急救援》連環上映。
《我的筍盤男友》由陳家樂及李靖筠主演，葉念琛執導。
陳家樂和李靖筠合演賀歲片《我的筍盤男友》。
英皇電影下月推出兩套好戲賀歲！陳家樂在農曆年將有《我的筍盤男友》及《緊急救援》連環上映，他直言：「以現今市道，我居然在新年有兩齣電影上畫，確是一支大大的強心針，鼓勵我在這個行業繼續努力！」
李靖筠能擔正賀歲片，心情甚興奮！
陳家樂化身「筍盤」型男！
李靖筠的演出令人眼前一亮！
林超賢執導的《緊急救援》陣容鼎盛。
陳家樂在農曆年將有《我的筍盤男友》及《緊急救援》連環上映。
周家怡自爆自己小時候十分討人厭，「我真係八婆嚟㗎，公主到不得了。」
新一集《恨駕女團》昨晚（4月9日）上架，今集主題是「Y2K」，所以節目組特別借來一輛1999年出產至2002年停產的「Silvia S15」又名「飛雞」拍攝。跟車主了解完車輛性能後，節目主理人周家怡及李靖筠（Gladys）便急不及待上車「走一轉」，二人大讚「好玩、好正」，Gladys表示以前對這種車有誤解，「成日覺得坐呢啲車會好chok，但而家又坐得幾舒服喎。」
今集《恨駕女團》借來一輛1999年出產至2002年停產的「Silvia S15」又名「飛雞」拍攝。
家怡則謂以前玩賽車game時，經常見到這款車，亦會選用這車作賽，「成日鏟上壆、撞埋牆，我成日覺得好難控制，但原來其實又唔係好難揸咋喎。油門同剎車嘅高度啱啱好、踭趾一流、可以放心踏、唔覺得佢有好難駕馭嘅感覺。」最後更大叫「棍波車好好玩呀！」不過，提到棍波車，家怡坦言有陰影，「試過泊咗架棍波車喺條斜坡，去完個friend屋企之後去攞車，架車唔見咗喎！原來流咗落去斜坡下面，好彩冇撞到人！其實個hand break我已經抽到好高，到最後check咗都係hand break老化，好驚呀！有陰影呀！以後揸棍波車一去斜路就入定個一波先。」
家怡大讚：「棍波車好好玩呀！」
玩完車後，二人特別到一間懷舊餐廳醫肚。開餐期間，為配合「Y2K」主題，節目組開出了「任務」讓二人完成：「自拍一張Y2K感覺的照片」，並提供無框眼鏡及千禧年數碼相機作為道具。二人隨即戴上眼鏡並不停自拍，不過家怡似乎拍得未如理想，這時Gladys立即充當指導，「我教你，你唔好笑，你一笑就好似嗰啲auntie。」家怡大感無奈，「人生已經好苦啦，笑吓都唔俾。」十分搞笑。
二人去到一間懷舊餐廳醫肚。
自拍Y2K感覺的照片。
自拍Y2K感覺的照片。
有冇Y2K感覺？
節目組又問到二千年才七歲的Gladys那時候的偶像，向來爽直的她說：「我唔想講呀⋯⋯」然後才道：「我鍾意做醫生有少少鹹濕嗰個。你唔覺得佢個樣成日好似鹹鹹濕濕咁嘅咩？做手術又好鹹濕、好正，哈哈。」
李靖筠自爆兒時偶像係鹹濕醫生。
李靖筠自爆兒時偶像係鹹濕醫生。
家怡則自爆自己小時候十分討人厭，「去食大排檔我會突然間無端端扮作嘔：『我想嘔呀。』見到坑渠邊我又會扮作嘔：『我想嘔呀。』所以我細個真係好乞人憎㗎。自己彈琴嘅時候，我啲阿哥喺度玩，我就會話：『daddy佢哋好嘈呀。』我真係八婆嚟㗎，公主到不得了。」至到中三才沒有那麼討人厭，「上咗中學都好啲，但我嗰陣時都唔可以喺街度屙屎，我意思係唔可以喺街嘅洗手間便便。」
家怡自言小時候是八婆。
又指自己不能在外「開大」。
話題隨即一轉，二人熱烈地討論如廁話題，原來Gladys到現在亦不能在外「開大」，「要好急先得。」家怡隨即問到拍戲時如何解決，Gladys直言：「所以我拍親都便秘。同埋有時地方好細，化妝間同廁所就喺隔離，我真係屙唔到，會聽到㗎嘛，哈哈。我諗起一單好搞笑嘅嘢，話說我去camping食好多嘢，但嗰個廁所好惡劣，又黑又濕剩係得個窿，好易差錯腳㗎嘛。我哋喺嗰個草地係有好多牛嘅，跟住我就喺度諗：『喺啲牛屎隔離屙應該唔係好覺嘅。』哈哈，我個friend就同我講：『牛屎咁大篤，人屎咁細，聽日天光就會見到……』我最後都冇屙到嘅，我要事先聲明。」
Gladys指去camping時曾想過在「牛屎」旁邊「開大」。
笑言：「喺啲牛屎隔離屙應該唔係好覺嘅」。
聽完Gladys分享後，家怡即謂：「我哋究竟講緊啲乜嘢，我覺得《恨駕女團》不停挑戰觀眾嘅口味，哈哈。」不過隨後她又忍不住分享一番，「而家拍戲通常book好晒有流動廁所，以前拍戲真係冇，你要去就要去㗎啦，嗰陣時好叻㗎，識得將啲衫綁晒係腰、抽起晒，而家幾好呀。嗰陣時候去泰國拍《無雙》，嗰個廁所真係好靚，佢哋book咗一架專係for拍戲嘅廁所，即係一架車咁樣。」
觀看相關影片按連結：https://youtu.be/aO8Gh0LpMCI?si=dsi0RMvI2BKd6gaz
