幾襯吖！
陳家樂、陳瀅(Jeannie) 呢對緋聞男女去年8月拍劇《廉政行動2019》傳撻着，12月被影到喺中環撐枱腳歎燒肉，年尾更被爆拍拖遊東京，甜蜜共度4日3夜，共度除夕及倒數迎新年，去到今年10月就指兩人共築愛巢試婚！傳足緋聞一年多，兩人都唔再太避忌，反而想以情侶檔姿態拍住上，喺逆市搵真銀！今日兩人不約而同喺IG度上載合作拍嘅服裝品牌圖片，相中兩人潮著運動服，剪了一頭短髮的Jeannie青春逼人，她更輕搭住男方肩膊Chok住影相。
去年8月兩人合作拍劇《廉政行動2019》被傳撻着。
網民對女神Jeannie的評論主要落喺她的新髮型方面，唔少留言話：「短髮超好」、「好靚女」、「這個髮型很顯你的氣質」！亦有指兩人真係好襯！最搞笑竟然話：「（短髮）第一眼以為係高Ling。」
陳家樂、陳瀅被讚外型好合襯，但竟然有人話陳瀅嘅新髮型，睇落有啲似高海寧，換言之係咪高Ling同陳家樂都合襯？
至於陳家樂留言：「第一次同@missjn劇集以外嘅合作，套衫演繹casual得嚟都可以好stylish。」唔少留言指兩人：「型」、「帥」、「好襯」、「Perfect match」，看來對呢對緋聞情侶好受落。
陳家樂、陳瀅。
陳家樂與陳瀅外出被拍。
