不過，Gloria直言現在想好好享受自由日子做返自己。
46歲葉蘊儀（Gloria）最近演出ViuTV真人騷，仁一樣有過失婚經歷的薛世恆為《一切從失婚開始》到烏克蘭拍攝，兩人除了四圍參觀，又接受不同挑戰，還大講失婚經驗及感受。離婚19年的Gloria坦言當年帶着一對仔女都好徬徨，想過重操故業再拍戲，但最終決定發展新事業，為做仔女榜樣更決心讀返書，雖然一直有人追，但為了仔女着想堅持做單親媽咪，但20歲細女卻好支持媽咪再覓第二春，更用另類方式挑機當鼓勵：「我諗到我拍拖，你都應該未拍拖啦！？」令Gloria哭笑不得，但她仍未想找個伴，反而想好好享受自由日子做返自己。
點擊看圖輯
不過，Gloria直言現在想好好享受自由日子做返自己。
Gloria和薛世恆探訪烏克蘭家庭，還學整當地食品。
本身有畏高的Gloria，在節目接受挑戰坐熱氣球。
一直恨去切爾諾貝爾的Gloria，見到受核事故洗禮的遺跡相當震撼。
回想2000年，Gloria跟結婚4年的陳柏浩離婚，27歲的她帶住只有4歲的大仔紹臻和1歲的細女紹珩，坦承當時前路茫茫，「第一刻當然好震撼，但係慢慢要游說自己繼續向前行囉！對於我嚟講細路仔係動力嚟。」
當年Gloria跟前夫認識未夠一年就閃婚，她覺得相處不久並非導致離婚主因，「我覺得人係會改變嘅，但係有啲人變都係會維持個婚姻，有啲人係唔會變嘅，所以係睇番嗰個人本身，我覺得唔關識得耐唔耐嘅事，係大家珍唔珍惜呢個關係，雙方進行一個磨合。」
Gloria坦承一直有人追，但為了一對兒女從來無想過再婚，「我唔鍾意畀個複雜嘅環境畀小朋友，就算係單親都冇乜問題，畀到一個啱嘅價值，同畀到愛佢哋就得，唔需要專登搵個阿爸或者阿媽畀佢哋，呢一代單親真係好普遍。（唔再婚係咪犧牲？）我唔覺得係犧牲嚟，人生實在太長啦！你同小朋友相處其實好短，佢哋需要你嘅時間好短，所以唔會覺得嘥咗，同佢哋一齊嘅時間重要啲。」
現在大仔已23歲，細女都20歲入埋大學讀書，Gloria坦承現在已甩難，可以做返自己，譬如搞藝術工作或者嘗試不同幕前演出，反而沒諗拍拖住，「未準備好接受一段新感情，好享受細路大咗，我甩身做吓自己嘅嘢，有另一半就順其自然。（再拍拖仲諗唔諗結婚？）唔諗咁遠，大家唔好畀壓力大家。」
Gloria唔心急拍拖，反而細女替她着急，「又唔係哦嘅，有一個講啫，妹妹講『我諗到我拍拖，你都應該未拍拖啦！』哈哈！佢咁樣比喻，即係話佢會快過我囉！佢應該係想我擴濶生活圈子識多啲男仔。」講到擇偶條件，她反而唔希望對方一樣是藝術家，「佢唔使鍾意藝術，佢接受我做呢樣嘢就得，如果都鍾意藝術好難傾得埋，大家都係會好固執呀，好有自己諗法，咁就仲溝通唔到，我覺得嗰個人應該係欣賞我嘅工作嘅，接受我嘅，畀多啲自由度我。（使唔使過小朋友嗰關？）以前就要，依家唔使，太大啦，以前我主要會諗小朋友先。」
Gloria笑言都想試吓拍不用講太多認真話題的旅遊節目，「我見到有個《C9旅行團》，我可以拍個帶阿叔去旅行㗎！」
Gloria和薛世恆探訪烏克蘭家庭，還學整當地食品。
本身有畏高的Gloria，在節目接受挑戰坐熱氣球。
一直恨去切爾諾貝爾的Gloria，見到受核事故洗禮的遺跡相當震撼。
回想2000年，Gloria跟結婚4年的陳柏浩離婚，27歲的她帶住只有4歲的大仔紹臻和1歲的細女紹珩，坦承當時前路茫茫，「第一刻當然好震撼，但係慢慢要游說自己繼續向前行囉！對於我嚟講細路仔係動力嚟。」
離婚後，Gloria都有想過重返娛樂圈發展，但最終堅持自己諗法，「我個人比較任性，覺得我想試第二啲人，因為好多人都覺得你應該入返呢行，相對容易啲搵錢呀，或者容易啲適應呀，但對於我嚟講，人生可能過咗四分一咁樣，我係咪應該試下唔同嘅嘢呢！？唔係一定要做返之前嘅嘢㗎嘛！我仲有好多機會去嘗試唔同嘅嘢，到開始做唔同工作之後，我又覺得我要做一個榜樣畀我啲細路仔睇，我以前拍嘢只係讀到中五，想話畀啲細路仔聽，想做就會做到，所以去讀Art揀樣自己鍾意讀嘅嘢，由學士到碩士一路完成佢，畀一個身教啲小朋友，媽咪想做嘅嘢，畀心機都會做到嘅，你哋如果有嘢想做，應該朝住自己目標去做。」
為了做子女的榜樣，Gloria重返校園進修，最後完成碩士課程。
當年Gloria跟前夫認識未夠一年就閃婚，她覺得相處不久並非導致離婚主因，「我覺得人係會改變嘅，但係有啲人變都係會維持個婚姻，有啲人係唔會變嘅，所以係睇番嗰個人本身，我覺得唔關識得耐唔耐嘅事，係大家珍唔珍惜呢個關係，雙方進行一個磨合。」
事業如日中天的Gloria，突然在95年跟商人陳柏浩閃婚。
Gloria坦承一直有人追，但為了一對兒女從來無想過再婚，「我唔鍾意畀個複雜嘅環境畀小朋友，就算係單親都冇乜問題，畀到一個啱嘅價值，同畀到愛佢哋就得，唔需要專登搵個阿爸或者阿媽畀佢哋，呢一代單親真係好普遍。（唔再婚係咪犧牲？）我唔覺得係犧牲嚟，人生實在太長啦！你同小朋友相處其實好短，佢哋需要你嘅時間好短，所以唔會覺得嘥咗，同佢哋一齊嘅時間重要啲。」
Gloria離婚後，一切以子女為重，親自照顧他們。
現在大仔已23歲，細女都20歲入埋大學讀書，Gloria坦承現在已甩難，可以做返自己，譬如搞藝術工作或者嘗試不同幕前演出，反而沒諗拍拖住，「未準備好接受一段新感情，好享受細路大咗，我甩身做吓自己嘅嘢，有另一半就順其自然。（再拍拖仲諗唔諗結婚？）唔諗咁遠，大家唔好畀壓力大家。」
早前客串ViuTV處境劇《娛樂風雲》的Gloria，都想演多啲戲。
Gloria唔心急拍拖，反而細女替她着急，「又唔係哦嘅，有一個講啫，妹妹講『我諗到我拍拖，你都應該未拍拖啦！』哈哈！佢咁樣比喻，即係話佢會快過我囉！佢應該係想我擴濶生活圈子識多啲男仔。」講到擇偶條件，她反而唔希望對方一樣是藝術家，「佢唔使鍾意藝術，佢接受我做呢樣嘢就得，如果都鍾意藝術好難傾得埋，大家都係會好固執呀，好有自己諗法，咁就仲溝通唔到，我覺得嗰個人應該係欣賞我嘅工作嘅，接受我嘅，畀多啲自由度我。（使唔使過小朋友嗰關？）以前就要，依家唔使，太大啦，以前我主要會諗小朋友先。」
Gloria坦承對婚姻仲有憧憬，但不心急搵另一半。