祝Cheronna夢想成真！
Super Girls成員吳嘉熙（Cheronna）日前包場舉行首個個人粉絲聚會，會上唱了10首歌，「自己從來冇試過一個人的fans meeting，所以今次以一個迷你音樂會形式去搞，又可以要拉近同fans距離，自己好開心，好耐冇咁樣表演過，佢哋聽我唱歌，又可以近距離同粉絲傾計。」
眾多Fans為Cheronna慶生。
Cheronna為粉絲唱了10首歌。
適逢早前Cheronna 31歲生日，粉絲還準備了兩個生日蛋糕與她慶祝，Cheronna更即場許願︰「許咗咩生日願望就唔講了，怕講出來不能實現。不過佢哋好有心，準備的蛋糕都是我鍾意的卡通人物，係好sweet好開心的一件事。」
Cheronna很喜歡Fans送贈的蛋糕。
回復單身的Cheronna被問到會否想新一年有新戀情，她笑說︰「有當然好啦，但呢啲急唔到，要搵個啱真係睇緣份，所以都係專心工作先，緣份到白馬王子自然會出現。」至於會否想SG搞fans meeting，她說︰「其實大家都想搞，不過要同其他姊妹夾時間，大家都各有各忙，希望2020年可以做得到。」
Cheronna