以男金為目標 許廷鏗預告再開個唱

粉絲有福了！

許廷鏗（Alfred）到電台受訪，就日前在《叱咤樂壇流行榜頒獎典禮》勇奪「男歌手銅獎」，及憑《我們與愛的距離》獲「叱咤十大第七位」，Alfred透露晚上已跟唱片團隊慶祝，又跟老友鄭欣宜及鄧小巧視像通話，本想連走兩場到小巧的飯局，但笑認年紀大「叔叔不行了」！他坦言最感動是與《超級巨聲》戰友獲獎：「看著小巧由一個公仔麵頭的女生成為女歌手銀獎，而且沒有人覺得她不值得拿獎，真的很開心。」

許廷鏗稱去年已沒有甚麼後悔及遺憾。

雖然網民替他未能「升呢」奪金獎感失望，Alfred自認尚有進步空間，不心急，但會以男金為目標。他又表示在叱咤分享會上，首次對外透露公公離世一事，當時正值準備個唱，他曾向公公的照片許諾要做好個唱，「去年沒有甚麼後悔及遺憾，因為有空間讓我多謝公司，重要過得到哪種顏色的獎項。」他又預告準備再開騷，目前已入紙申請，若申請成功便要再減肥！

許廷鏗。資料圖片

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。