網民話中獎會送俾佢~
網上圖片
藝人莊思明昨日於社交網撰寫千字文，怒轟日前乘坐飛往曼谷的航班上，欲撳燈向空中服務員借筆填入境表，未料多次按燈卻無人「應機」。她其後在網上公開有關航班的機艙服務員內部名單，引來網民炮轟。香港航空下午則在網上發文，並留言指「#港航筆 了解你需要？」，以宣傳與派筆有關的有獎遊戲。
港航FB截圖
港航下午在其官方FB專頁發文，並留言指，「#港航筆 了解你需要？」。帖文的內容為宣傳有獎遊戲，並留言指，「去旅行搭飛機要搭得安心又放心，最緊要帶咩嘢？褸？頸枕？係要 #帶筆填入境紙呀！」。帖文又指，「嗱！如果有筆，填入境紙嗰陣，就唔駛 #左撳右撳 同四圍望。」
資料圖片
港航在帖文中表示，由即日起至1月11日，跟從步驟參加遊戲，當中最有創意的15位參加者，即可獲得「香港航空限量版筆」一套。參加者需先讚好該帖文， 並在帖文留言回答「如果可以贏到港航限量筆，你會用嚟做乜？」並解釋原因，其後再Tag 1位朋友則完成遊戲。
網上圖片
其後，網民的反應熱烈，並有不少人留言指，若中獎會將該限量筆送給莊思明，並指「如果可以贏到港航限量筆，我會送俾莊思明 Lisa Ch ng，等佢唔洗再係咁禁燈都冇人幫佢拎枝筆」、 「如果贏左支筆，希望可以轉送比莊思明小姐」、「如果我贏到港航限量筆，我會借比莊思明填入境卡」、「如果可以贏到港航限量筆，我會用黎送俾莊小姐，等佢下次飛有筆用」等。
《巾幗梟雄之懸崖》監製方駿釗率兩男三女藝人出戰馬拉松 沿途靚景引發打卡潮
由騰訊視頻及無綫電視聯合出品的《巾幗梟雄之懸崖》於橫店馬不停蹄進行拍攝；除了努力工作，台前幕後還爭取工餘時間參加各式各樣聯誼活動，減壓之餘順道寓工作於娛樂。日前《巾幗》監製方駿釗（嘟嘟）便率領劇中演員，包括：關嘉敏、陳楨怡、莊思明、葉泓聲及莫家淦（Keith），以「兩男三女」陣容響應「橫店馬拉松」，並組成小隊完成4公里歡樂跑。五位藝人均是首次在橫店參與馬拉松，當中莊思明及陳楨怡更是獻出人生首個馬拉松跑。
日前《巾幗》監製方駿釗（嘟嘟）便率領劇中演員，包括：關嘉敏、陳楨怡、莊思明、葉泓聲及莫家淦（Keith），以「兩男三女」陣容響應「橫店馬拉松」
「兩男三女」藝人代表，上排：葉泓聲，下排左起：陳楨怡、關嘉敏、莊思明、莫家淦。
「橫店馬拉松」每年均會邀請正值橫店拍攝的各大劇組參與，現場氣氛熱鬧，除了每個劇組都會上下齊心參與，更會帶備「劇集Banner」為自己吶喊助威，難怪思明、關嘉敏、Keith都大讚現場氣氛好，思明說：「去到現場感受到嗰種氣氛之後心情突然好興奮。」關嘉敏說：「第一次見到好多唔同劇組拎住塊牌喺度跑，我覺得成個氣氛好正。」
三位女藝人代表，左起：關嘉敏、陳楨怡、莊思明
佢哋完成歡樂馬拉松後勁興奮，三位皮膚亦都好靚咁喎。
關嘉敏莊思明陳楨怡最後衝刺瘋狂尖叫
《巾幗》劇組為了是次馬拉松於凌晨五點便集合，眾人圍繞橫店影視城進行歡樂跑。談到參與感受，眾人異口同聲表示難忘沿途美景，關嘉敏笑指跑完馬拉松後恍如去完上海旅行：「咁啱嗰日天氣好，我哋仲要跑埋去橫店影視城嘅夢外灘，因為沿途會經過好多上海特色建築物，感覺就好似去完上海咁。雖然全程得4K，但好似跑咗好耐咁，因為都用咗好多時間影靚相。」思明說：「我哋每經過一個點就會停低影相，結果40幾分鐘先跑完。」根據關嘉敏提供視頻，她與思明及楨怡最後衝刺前夕相當興奮，更一邊拍片留念、一片瘋狂喪嗌衝過終點，完全感受到眾人當時有多「歡樂」。
呢兩張相足以證明沿途經過幾多特色景點，望落真係恍如置身上海咁。
關嘉敏仲遇到一件趣事，就係畀一隻極可愛嘅明星狗連環忽視，好搞笑。
莊思明
陳楨怡
莫家淦
莫家淦
莫家淦形容為人生最忙馬拉松
Keith則大讚馬拉松全程感覺乾淨又舒服：「橫店嘅風景真係幾靚，我哋跑嗰段路係小鎮，大會封晒路畀我哋跑，沿途都幾舒服，又乾淨、山景又靚。」並笑言是人生最忙的一次馬拉松：「沿途主要係影相同影視頻，所以比一般馬拉松更忙碌！」繼去年《狀王之王》後才踏足橫店拍攝劇集的Keith，坦言橫店拍攝最開心的事，是大家不用開工期間，會積極相約聯誼，並互相介紹朋友給大家認識：「始終住埋同一間賓館，感情係會好啲。加上嗰度拍劇場地靚、景又大，喺嗰個環境做戲、尤其民初戲就更易代入到。」
台前幕後好齊心呀！
真係好似參加咗嘉年華咁。
