品味嘅嘢...
泳兒還讚陳偉霆一定有其成功之處，今日的成就都是經歷很多努力。
泳兒昨晚為仁愛堂周年慈善餐舞會演出，問到這類商演工作近期是否大減？泳兒坦言受社會氣氛影響下，她在舉行過演唱會後便靜下來，她也正好利用這段時間休息及製作短片。她稱老闆楊受成和經理人不時提點旗下藝人，任何時候也要積穀防飢，好天斬埋落雨柴，所以若然要出埠拍片，她會用盡時間盡量慳錢，從早上6時拍到晚上才休息。
對陳偉霆在內地跨年節目中演唱一曲《野狼Disco》成為近期熱話，泳兒謂每個市場鍾意的東西是不一樣，甚麼風格也好，自己鍾意也要是大眾受落，不能太曲高和寡，要取得平衡，對方一定有其成功之處，當年她收到《我的回憶不是我的》時也感到不太現代，但估不到那麼受歡迎，所以做音樂是帶多些歡樂給大家。
網上圖片
問到是否感到陳偉霆這次帶到很多歡樂給大家？泳兒說：「有那麼多粉絲，有那麼好的知名度，一定帶到很多歡樂開心，每個偶像歌手都是偶像，很替他開心，他有今時今日成就也經過很多刻苦耐勞，可能他唱的歌未必是你鍾意，但每個藝人背後也付出了很多努力。」她會否試唱《野狼》這類歌？泳兒說：「如果合適也可以，但要整套配合，我又不懂得跳舞。（怕人說你騎呢？）做歌手食得鹹魚抵得喝，遇到一首有緣歌曲，歌有它的命運，我也入行15年，甚麼也要試下，我是開放的。」
網上圖片
其中一位參賽者追問張敬軒：「我想問吓你着泳衣條數幾時找？」軒仔回應：「我話俾你聽我操緊呀真係！」
張敬軒、Gin Lee李幸倪、泳兒（Vincy）、黃明德（Dark）、黎展峯（Andy）及洪助昇（Aiden）日前到海洋公園出席《EEG電笠人人和音校園巡演》，劉若寶（Polly）擔任當晚MC，活動邀請了南區七間中學的學生及一些低收入家庭入場欣賞演出，目的是希望透過歌手分享自身經歷，鼓勵學生積極面對問題及認識自己，面對疑難時，總會有方法解決及抒發的途徑，他們並不孤單。
《EEG電笠人人和音校園巡演》。
Polly劉若寶
六位歌手除了唱歌，更與觀眾大玩遊戲，台下觀眾反應熱烈。壓軸出場的軒仔除了唱出《隱形遊樂場》及《青春告別式》，更帶來小手信送給現場觀眾，「今年我發行咗一款月曆，有我嘅玉照。」隨即引來全場起哄，而站在軒仔身旁的Vincy出奇不意一句：「係咪着泳衣㗎？」觀眾又再次嗌爆場館，這時其中一位參賽者乘機追問軒仔：「我想問吓你着泳衣條數幾時找？」全場大聲歡呼，軒仔回應：「咁多人記得㗎咩？我話俾你聽我操緊呀真係！」
軒仔遭參賽者追數，「我想問吓你着泳衣條數幾時找？」
去到問答環節，有學生問軒仔，自己於社交平台跟人嗌交，但其實他只是想表達自己真正觀點，卻被人攻擊，十分激氣，軒仔認為Social Media已經是我們生活的一部份，是一個讓人發表自己意見的地方，「每一個人都有自己嘅觀點、有自己想講嘅說話，只要唔係好傷害到人，我覺得係應該要互相尊重。我覺得學識去聽人哋嘅說話或者接納人哋嘅意見、學識思考，就算佢講嗰樣嘢唔係自己所認同，都要嘗試去認識，『哦！原來呢個世界有啲人係咁樣諗嘢㗎喎。』我覺得對自己嘅修為、對自己智慧嘅增長都係一個有好嘅提升。」
軒仔與學生分享表達自己真正觀點，以及決自己不開心的方法。
軒仔分享解決自己不開心的方法就是幫助別人，「好多嘅小行為、好多嘅善事你都可以嘗試去做，因為你發現原來喺幫人哋嘅過程當中可以療癒到自己，『勿以善小而不為』，你對你鄰居、對屋企人、對身邊嘅同事、朋友，伸出你嘅援手，你會發現原來自己嘅價值就係喺嗰啲地方體現，而唔係發幾多脾氣、喺網上鬧人，所以希望大家同我都一樣喺日常生活當中、喺呢個修羅場裏面，好好咁提升自己嘅智慧，搵到一個屬於自己嘅遊樂場。」
Gin當晚唱出新歌《Diff.》及《企好》，兩首歌曲亦十分正能量，她認為聽歌是一個很好抒發負能量的方法，有學生問到因為自己想成為youtuber，但父母想他找一些比較踏實的工作，令他十分懊惱，Gin隨即分享自身經歷，「鍾意同擅長係兩樣嘢。如果十個有九個人都話你唱歌好叻，咁就有好大嘅可能你係唱歌好叻，如果你好鍾意唱歌，但得一個人話：『嗯……都可以吖。』咁你就要諗一樣嘢係咪未必啱自己呢。』」
Gin唱出新歌《Diff.》及《企好》。
Gin續說：「好似我想做歌手，一個我好尊敬嘅一位音樂人佢同我講：『你唔應該做歌手，如果你要做歌手，就唔該你廢咗你全身嘅武功，重新學過啦！』嘩！呢一個feedback來自我一個好尊敬嘅音樂人，我聽到嘅時候傷心咗好幾日。我好想去證明俾我得或者唔得，所以我透過自己嘅努力去搵答案，俾個時限自己，如果做到嘅話，咁我就搵到個答案；如果試咗好一段時間都未得，咁我又要再諗一諗呢條路係咪啱自己呢？呢條路其實係好漫長，需要好多毅力、堅持、耐性，當你想放棄嘅時候，你再諗返起你嘅初心。」
Gin又分享自身經歷。
另外，有學生問到，自己經常被誤會「好串」，其實只是不想說話，但又不想解釋，問應該怎樣做。Vincy即道：「好似講緊我咁嘅？」原來她入行初期都遇過這情況，「有啲人認識咗我之後，同我講返以為我好有距離，但識咗我之後原來我都唔係真係咁串，我又覺得幾好，因為當對方深入了解咗你之後就會有個反差。所以我覺得你唔需要去解釋，唔一定個個人都鍾意你，最緊要係你嘅心態，只要你自己覺得其實我個人係唔串嘅，咁就已經好足夠，唔需要迎合別人，做返自己。」而Andy及Aiden則表示會透過做運動來紓緩壓力，Dark感到有壓力時便會寫歌，在歌曲中表達一切。
Vincy分享入行初期被被誤會「好串」的情況。
Aiden洪助昇
Andy黎展峯
Dark黃明德
大合照
