*

upload_article_image

失落「飛躍」不意外 湯洛雯豪言要拎奧斯卡

有目標先有進步!

湯洛雯、鄧佩儀、黃庭鋒和鍾君揚在將軍澳電視城出席明珠台《第92屆奧斯卡》提名日記者會,問到是否年年追睇奧斯卡?佩儀表示去年因開工錯過了,今次想睇是支持電影《JOKER》拎獎,靚湯則指頒獎禮節目會激勵她,見到得獎者分享經驗,「有一日我都要得奧斯卡!(先將目標放在公司的?)眼光放遠些,可以跳級。」

湯洛雯、鄧佩儀、黃庭鋒和鍾君揚出席《第92屆奧斯卡》提名日記者會。(東星圖片)

靚湯話想拎奧斯卡獎,搞到鄧佩儀都忍不住笑。

提到前一晚的頒獎禮,佩儀表示最感人是「飛躍進步男藝員」得主張振朗的一番話,提醒自己要加倍努力,靚湯更說:「我叫他若上台不要喊,振朗說一定不會,結果喊成咁!」二人同樣入圍「飛躍進步女藝員」,靚湯對自己未得獎不意外,更自封「老飛」。

鄧佩儀望電影《JOKER》奪奧斯卡獎。

靚湯攞不到「飛躍進步女藝員」不意外。

提到周嘉洛入行5年便得獎,靚湯說:「他很犀利!(要加把勁?)我要拎奧斯卡,好多荷李活導演搵我,我要拍《JOKER 2》!」問靚湯是否打擊太大,會否更努力拎獎?她笑言:「有獎會是強心針,會戥得獎人開心,這行本來就要百花齊放。」

東星圖片