*

upload_article_image

宣揚《利瑪竇》精神 王梓軒7月演中樂團音樂會

王梓軒及陳潔儀主演音樂舞台劇《利瑪竇》叫好叫座!

由王梓軒及陳潔儀主演的音樂舞台劇《利瑪竇》叫好叫座,part 2重演8場剛於上周日(12日)圓滿結束,王梓軒表示依依不捨,尤其有好幾場序幕時,全場觀眾起身拍手,好感動。不過,王梓軒會將再下一城,7月演出由《利瑪竇》變身的中樂團音樂會,繼續宣揚利瑪竇精神!

王梓軒及陳潔儀主演的音樂舞台劇《利瑪竇》叫好叫座。

對於換個方式跟觀眾見面,王梓軒當然好開心,仲決定獎勵自己,即將放大假十日去日本鬆一鬆,兼且自掏腰包豪氣地請埋公司同事,開出一個無上限任plan trip,豈料畀經理人珊珊發訊息「兇」他說:「你咁嘅budget,我哋點玩得盡興呀?」對此,王梓軒自言好冤枉:「珊珊幫我慳錢係好,但如果唔夠budget咪加碼囉!我希望大家玩得好開心啲,因為呢幾個月,每一個同事都係出心出力,甚至有一個同事成個禮拜冇沖涼,另一個攞咗演唱會道具當床褥瞓喺公司,出多小小我覺得係值得。」

張達明和谷德昭對《利瑪竇》評價甚高,並指睇完個騷後更加認識利瑪竇嘅事跡。

尾場開騷前,恩保德神父為眾演員祈禱。

王梓軒及陳潔儀主演的音樂舞台劇《利瑪竇》叫好叫座。