*

upload_article_image

獲陳豪夫婦朱千雪提早賀牛一 劉倩婷望為囡囡添細佬妹

希望Sandy夢想成真!

本月24日為李丞責博士太太劉倩婷(Sandy)的34歲牛一,因為撞正年三十晚,一班老友如陳豪夫婦、朱千雪及岑杏賢提早與Sandy賀壽。問到索媽的生日願望,她說話開心和平同健康最緊要,另亦希望快四歲的囡囡李仟辰開心,開心方法之一就是為她添個細佬或細妹,並笑言,「考慮中,要問老公先,但佢呢期好忙,仲未覆我。」

Sandy嘅生日願望係幫開始大個嘅囡囡添個細佬或細妹。

過年前後,李博士都好忙,近日又要幫TVB做節目。

年三十晚加牛一,Sandy話本來要做Live節目,但好彩可以錄影先,所以有時間同家人食飯之餘還可以同朋友一齊慶祝,「等囡囡瞓咗可以同朋友玩吓啦。」

朱千雪同岑杏賢就請李太去酒店食飯。

Sandy同朱千雪以前都係做Finance嘅工作,所以特別好傾,問到當日食咗啲乜?Sandy話唔記得,因為傾偈多過食嘢。

問到李博士有否透露少少買了什麼生日禮物?Sandy表示有時間食餐飯已經好好,不要嘥錢。之後恨追B的她還笑言:「希望佢可以送份禮物畀個女。」Sandy表示以前一直是「一Child會長」,但囡囡慢慢大就開始動搖,心諗是否可以追多個。

李博士夫婦同陳豪夫婦真係好老友,互相替對方慶祝生日。

提到老友陳豪夫婦、朱千雪及岑杏賢跟她食生日飯,Sandy非常開心,「我無刻意提自己生日,連FB都無寫生日日期,但好Close嘅朋友會記得我生日,一齊切蛋糕。」問到有否收到特別嘅生日禮物,Sandy即說,「其實佢哋肯抽時間同我食飯已經係一份好珍貴嘅禮物。」Sandy特別提到陳茵媺,「佢囡囡同我囡囡出生爭一個月,所以我哋經常一家人見面,過年都會去佢屋企拜年,Aimee係一個好有心思嘅人,見到佢好開心。」

陳豪夫婦賀劉倩婷牛一,兩家人一齊食法國菜。

劉倩婷經常帶囡囡同陳茵媺一家一齊玩。