*

唔怕辛苦拍飲食節目 鄭融:想去泰國學冬蔭功

果然入得廚房!

鄭融、盧頌恩 (本網記者攝)

香港開電視飲食節目《30分鐘大放餸》今日進行錄影。香港開電視藝人盧頌恩(妹頭)聯同星級嘉賓鄭融(Stephanie),一同炮製紅燒牛腩、清酒煮蜆、潤腸扒豆苗及荷葉蒸雞飯。

鄭融、盧頌恩 (本網記者攝)

Stephanie表示:「今日煮咗4個餸,都算係第一次拍煮食節目。(你嘅強項?)唔係啦,都係煮啲一定唔會出錯嘅食物,有紅燒牛腩、清酒煮蜆等等。(多唔多下廚?)一星期有兩至三餐,但自己下廚真係整啲比較簡單嘅,蒸雞蒸魚之類。另外都好少食外賣,或者會買湯包,煮個烏冬浸落湯到都好健康好好食。」談到新一年工作大計,她表示即將為新歌錄音,「因為上年派台嘅歌曲反應唔錯,而且同Dear Jane嘅Howie 音樂上好有火花,嚟緊都可能再合作。」

鄭融、盧頌恩 (本網記者攝)

至於妹頭表示希望新一年繼續拍攝更多旅遊節目,周遊列國。更即席邀請鄭融做「旅伴」,妹頭笑指:「我哋要搭13個鐘巴士去越南,你得唔得先?」鄭融就話有機會都想體驗一下。再追問會否飲食加旅遊節目一齊做?妹頭表示:「如果我拍,我都係負責食。煮就交俾Stephanie」鄭融指:「都唔係,而家好多人會去泰國,都會上埋個cooking class,到時真係可以跳出香港做煮嘢食節目,或者一齊去泰國學煮冬蔭功!」

鄭融 (本網記者攝)