*

upload_article_image

準新娘婚前買多謝卡 倪晨曦打乞嚏用手臂掩口

Elva好有公德心!

就快結婚的倪晨曦(Elva)日前已經同一班姊妹身處夏威夷Maui島舉行婚前單身Party,飲紅酒又學跳夏威夷舞,為答謝老友,準新娘送答謝卡畀佢哋。日前,就見到Elva一個人去銅鑼灣買咭,離開時見佢打咗個大乞嚏,佢用手臂掩口,好有公德心。

Elva因為就嚟結婚,所以好多電話。

倪晨曦好快就同拍拖三年、從事金融的男友Vincent結婚,兩人由求婚到影婚紗相走勻全世界,有錢就係任性。近日準新娘到夏威夷搞派對,母親、妹妹及兩名姨甥女率先抵達,姊妹團朱韻韻及鍾浠文亦會參與倪晨曦婚前陽光與海灘單身Party。

Elva好有公德心,打乞嚏會用手臂掩口。

Elva亦特別為出席單身Party的好姊妹準備咗小禮物,就係印上佢哋個名嘅浴衣及答謝卡。日前傍晚,素顏Elva獨自去銅鑼灣Times買多謝咭,因為就嚟結婚,婚禮好多鎖碎嘢要記,所以Elva一臉思考樣,揀咭唔係揀太耐,好快就揀到,然後講住電話去畀錢,再行去搭的士,多嘢煩真係有樣睇,唔信望吓Elva個樣。

Elva不斷接電話,好忙。

等的士嘅Elva係咁撳電話。

姊妹團朱韻韻出席Elva嘅單身Party。

32歲嘅Elva在夏威夷穿泳衣晒Fit爆身材。

18年尾,倪晨曦在IG公告男友「V先生」求婚成功。