社會事
有人認為姐姐要求「好大膽」。
農曆新年，家家戶戶都要大掃除，不少有請工人姐姐的僱主都會要求一齊清潔家居，不過近日有僱主在網上發文求助，指要求家中外傭姐姐幫手大掃除，但姐姐卻竟要求僱主給比500元利是，令僱主不知如何是好。帖文一出，隨即引起網民熱議，有人認為姐姐要求「好大膽」，亦有人斥「唔係份內事咩」、「日日都應該清潔打掃架啦」、「問攞開工利是都仲好D」，更有直言「炒得」。
該名僱主日前（21日）在Facebook群組「外傭僱主必看新聞訊息」發帖，指「新年我叫姐姐大掃除，佢話要500蚊利是先會做喎，請問下大家有冇咁嘅條款㗎?」，事主「回價」指給200元，但該名外傭姐姐卻指「唔要，madam最好畀500蚊我啦，我幫你執屋企，新年大掃除喎。」令事主「唔知點好」。
不少網民對外傭姐姐的要求感驚訝，有人認為「唔比，家務嚟喎。份合約有寫明工作範圍」、「人工包清潔，工作一部分」、「佢以為佢係鐘點？」，更有人大罵，留言「我老細叫我做嘢都唔會額外畀利是我啦！」 、「我會比機票佢返鄉下」、「炒得」。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
