Bosco笑言好似學生交流團咁～
黃宗澤（Bosco）日前獲英國時裝品牌Paul Smith邀請，了巴黎出席品牌2020年秋冬系列時裝秀，當日，Bosco以灰綠色西裝內搭駱駝色尼龍運動上衣，隨性得嚟不失時尚感。
黃宗澤日前獲英國時裝品牌Paul Smith邀請，出席品牌2020年秋冬系列時裝秀。
騷後，Bosco又與品牌創辦人Paul Smith見面兼合照，「心情好興奮，好似學生交流團咁，因為第一次去巴黎時裝周，特別榮幸同Paul Smith見面，細細個已經喜歡他和他的設計，沒想到能夠拜會他，他很親切又好玩，相處好輕鬆。」
黃宗澤與品牌首腦Paul Smith（右）合照。
View this post on InstagramMy honour to meet Sir Paul Smith @paulsmithdesign #paulsmithhk #PaulSmith50
此行，Bosco亦遇上了不少圈中人，包括黃偉文、竇驍、朱鑑然等，他笑言：「同竇驍第一次認識，不過傾開偈先知，原來我哋有好多共同朋友，好似導演鍾澍佳，因我哋也分別跟鍾導合作，所以大家有不少共同話題，好啱傾，都幾有緣份，仲不停瘋狂自拍留念，玩得好開心，感覺唔似喺度工作。而我喺回程飛機上咁啱同成龍大哥一班機，成龍大哥竟然認識我，真係好開心！」
黃宗澤（中）在巴黎時裝周遇上了不少圈中人。
對於在法國被不少華人認得，更紛紛找他合照，Bosco謙稱：「估不到在這裡有咁多人認得我，是開心的。」他直言今趟旅程實在獲益良多，令原本愛時裝的他再大開眼界。問到會否打算設計個人品牌時裝，做老闆進軍時裝界？Bosco說：「雖然我很鍾意時裝同潮流，不過如果叫我自己設計的話實在未夠班，作品一定未達標，無謂獻醜啦！」
黃宗澤、竇驍、朱鑑然一齊玩Selfie。
