姚子羚望成功增肥至100磅 鼠年不心急求姻緣

表哥只想搵到個孝順顧家，心地善良的有情人。

近排忙於為新劇《黃金有罪》宣傳的姚子羚，新年總算有幾日假放，決定跟「雲來軒」行政總廚黃亞保學整賀年素菜「黃金滿屋」，到時跟家人朋友齊齊慶祝。講到新年願望，豬年劇接劇加上早前患過甲型流感，令子羚瘦到得番94磅，所以鼠年除了希望演到更多好角色，最想能夠增肥到100磅以上；講到姻緣她反而不心急，只想搵到個孝順顧家，心地善良的有情人。

由於大廚保哥知道子羚為了不殺已食素3年，專登將「炒貴花翅」改為素食版用素翅代替。

子羚好滿意豬年發展，工作排到密麻麻，不過正因太忙疏忽了身體，「19年所有重要節目都喺工作中度假，不過做呢行係值得感恩，但係因為之前兩套劇都係好需要體力，《唐人街》要打，《大步走》就跑，加上之前中咗甲型流感，瘦咗好多，嚟緊要調理番好身體，先可以努力搵錢。」

子羚笑言新年期間看《黃金有罪》最啱食「黃金滿屋」啦！

講到鼠年願望，子羚先為大家祝福，「希望所有人平安快樂，大家多啲正能量，世界減少多啲天災人禍。至於個人，就想新一年事業更上一層樓，同埋增肥成功，講完係會畀人打嘅，哈哈！有人話我食素後易瘦啲，但係我家姐食全齋，佢都幾豐滿，所以應該唔關事，我希望由家94磅增到102磅。」至於姻緣，子羚一切隨緣，「我唔會限住自己某個年紀結婚生小朋友，同埋呢樣嘢唔係你付出幾多努力就有幾多分收獲。」講到揀對象，子羚話會感覺行先，不過還有少少要求，「孝順顧家好緊要，錫父母同屋企人，第時都會錫自己家庭，同埋要上進，唔係要搵好多錢，但有上進心係好，因為當有家庭又係另一樣嘢。」

跟保哥學識拋鑊的子羚，覺得要將蛋炒成蛋米最考功夫。

子羚大讚保哥教得好，令易中帶難的「黃金滿屋」順利完成。

子羚開心在《黃金有罪》首度跟張兆輝和蕭正楠合作。

去年子羚跟夜店董事Raymond Young拍拖八個月，更一度被指搶人夫。

去年患甲型流感前，子羚在馬爾代夫水着，身材還有小小看頭。

姚子羚展示一鏡到底晒層次式喊功！

由張達明監製、林子聰任總導演、林子聰及韓辰辰任編審的《狀王之王》，本周一至四晚九點半翡翠台播映結局篇。19日一集劇情講到阿九（金剛飾）向小鳳（王子涵飾）表白成功，惟兩人確立關係後，小鳳卻遭逢不幸，外出買夜宵期間慘遭迷暈兼被強暴，眼見心愛的女人慘遭辣手摧花，阿九失控爆喊！另邊廂，宋世傑（王浩信飾）獲邀出任英國使節阿德里安（迪瑪飾）名譽侵損案訟師，小鳳憑着紋身認出該名英國使節正是強暴她的男子！由於案件牽涉到國家層面，世傑有感接不接相關官司均是死路一條，陷入兩難的他最終決定休了玲瓏（姚子羚飾），並接受使節委託……

玲瓏同世傑究竟可唔可以行落去呢？

小鳳同阿九確定關係冇耐就遭逢不幸，小鳳慘遭辣手摧花！

小鳳同阿九確定關係冇耐就遭逢不幸，小鳳慘遭辣手摧花！

小鳳好可憐。

昨晚一集劇情緊湊，其中一幕講到玲瓏獲悉強暴小鳳的真兇是英國使節時，即時激動爆喊說：「我要殺咗佢！」知道事關重大的世傑即跳出來勸她冷靜，怎料情緒失控的玲瓏狠狠地將他推向門；之後喝醉的世傑對著玲瓏大拋狠話兼嚷著要離婚：「我上一世唔知做錯啲咩，要娶着個咁蠢嘅老婆，我頂唔順喇，唔想再頂！」玲瓏聽罷先是忍淚怒摑宋世傑，之後再嚎啕大哭，大晒層次式喊功，演出相當搶戲。

小鳳認出阿德里安就係強暴佢嘅兇手！

玲瓏即時失控話要殺咗阿德里安幫小鳳報仇。

子羚就係呢吓差啲整爛咗佈景！

好彩宋世傑最後都阻止到玲瓏。

最後陷入兩難嘅世傑決定同玲瓏離婚。

玲瓏先係忍淚怒摑世傑。

再衝出門口放聲大哭，呢場戲以一鏡到底手法拍攝，令子羚晒層次式喊功時更見揮灑自如。

世傑其實都好唔捨得同玲瓏離婚。

林子聰預告結局周大派洋蔥

另王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問，身為導演的子聰透露劇情去到最後一周將越來越多洋蔥。談到子羚情緒失控場口，浩信爆料指子羚差啲撞爛佈景：「嗰場戲我叫子羚盡情嚟啦，因為我都做開Gym，諗住頂得住啦，點知佢一火起上嚟將我成個人推向道門，我都嚇咗一嚇，當刻佢嘅情緒好高漲，冇理由嗌Cut㗎嘛，拍完之後我話：『你好勁喎，我後面道門差啲畀你拆咗！』」之後再提到世傑休妻場口，子羚一氣呵成爆喊戲十分搶焦，原來子聰導演為了達到最佳效果，刻意安排一鏡到底拍攝手法，子羚坦言該場戲難度很高：「最大難度係喺間屋入面唔可以喊，但一出咗道門就要爆喊，好開心可以畀我一Shot落做到呢件事，唔會斷咗嗰刻嘅情緒，因為谷住谷住好辛苦，反而爆咗出嚟係最正！」

王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問。

王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問。

王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問。