武漢肺炎蔓延 馬國明惠州登台急煞停

失去新年搵銀機會......

武漢肺炎蔓延，直接影響娛樂圈藝人搵真銀機會，原先麥玲玲、劉鍚賢及視帝馬國明（馬明）分別於年初一及年初二到惠州登台，但因安全問題臨時取消，主辦方考慮因應疫情狀況延期。

麥玲玲和馬國明原定於年初二到惠州登台。

《頭條日報》得悉，本來有香港旅行社組成一個名為「男神駕到齊開年合家歡樂笑甜甜」的美食團前往惠州，包飲飲食食加看騷，在酒店宴會廳內舉行的晚會，還請來出爐視帝馬明登台助慶！事前，馬明仲滿心歡喜以為今年可以挾住聲勢發新年財，更揚言年初二返內地登台時，不怕被傳染，繼續同觀眾握手打成一片，惜因密室內聚集的人流較多，主辦方今日決定取消，看狀況延期，雖然真係有點掃慶，不過都是以大家安全及健康為重。

原先麥玲玲和馬國明於農曆年到惠州登台，惜主辦方今日宣布取消！

此外，同一個主辦方稍後於3、4月份，亦邀請了「黑妹」李麗霞及李龍基去佛山登台，以及陳山聰和譚嘉儀去順德登台，但至今未知會否有改動。

「黑妹」李麗霞及李龍基稍後於3月亦會去佛山登台。

馬國明昨日仍於微博叫大家小心新型肺炎，仲祝大家身體健康。

陳山聰和譚嘉儀則於4月去順德登台。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。