*

upload_article_image

驚坐飛機惹病害至親 河國榮放棄返澳洲

非常時期,河國榮以身作則。

武漢肺炎持續擴散,正當有人唔怕染病返鄉下過年之際,另邊廂,就有個孝順仔驚自己坐飛機感染而累全家,所以索性今年不回澳洲探父母,講緊嘅係外籍演員河國榮!

本來2月中回澳洲跟爸爸(中)慶生的河國榮都決定不回去了。

眼見疫情日趨嚴重,不少內地人「逃亡」至香港,他今日凌晨於Facebook留言:「一個目前不能醫治嘅病毒,人傳人兼傳播率咁高嘅病毒,廣東已經~100病例,北京已封城唔俾人入,香港係咪都應該盡快封關?家係非常時期,未試過都唔係合理嘅理由,嚟緊嘅情況可能非常可怕。」

河國榮好擔心今次武漢肺炎會在港大爆發。

河國榮再說:「我本來二月中飛澳洲探父母,跟爸爸慶祝生日,但係我家唔敢博,坐8個鐘頭飛機到澳洲,飛機會唔會有隱形病者?我咁樣會唔會害咗我最親嘅兩位老人家?我從來未戴過口罩。今次,我一定戴。我幻想力好強。希望我錯。大家小心。」相信唔少香港人同河國榮一樣好擔心!

河國榮直言從來未戴過口罩。今次自己一定會戴!

河國榮好擔心坐飛機遇「隱形病患」,更擔心自己染病再傳畀家人。