*

汪明荃獲贈口罩解燃眉之急 爆羅家英大馬拍戲冇得買

一罩難求!

汪明荃(阿姐)在社交網上載片段,晒冷口罩,留言:「多謝星(新)加坡fans送了兩盒口罩給我,解我燃眉之急。大家保重身體,做好防疫工作!」

汪明荃晒朋友幫她班的口罩,還爆料家英哥在大馬冇罩用。

因為新型肺炎疫情嚴峻,大家都在搶購口罩,阿姐在片段說很好彩,她的朋友來自世界各地,當知道她缺口罩就給她搜羅,說:「我計過,如果我一日用兩個,兩個已經係最少,因為我成日要開會、周圍走,用完咗除咗之後又唔可以翻用,所以我預計自己可以用兩個,譬如一盒得10個,5日就冇晒。」阿姐還爆料:「家英哥(羅家英)去咗馬來西亞拍戲,我以為嗰度唔係咁嚴重,我問佢,一個都冇呀!佢話因為新加坡都有疫症發生咗,所以佢哋都好緊張,完全冇得買,我啲朋友用佢哋方法幫我班咗兩盒。」

阿姐同家英哥早前遊日都搶不到口罩。

除了兩大盒3層口罩,還有4包每包8個有圖案的口罩,阿姐說原想叫他們買給小朋友用,但看尺碼似乎是大人用。阿姐最後騷新加坡Fans給她很喜歡印有面譜的襪,給她著波鞋時配搭不同襪會很開心。

汪明荃晒朋友幫她班的口罩,還爆料家英哥在大馬冇罩用。

汪明荃晒朋友幫她班的口罩,還爆料家英哥在大馬冇罩用。