睇落好刺激。
《巨鱷島》海報
新型肺炎肆虐,內地全線戲院停止營業,某些大製作電影更以線上形式播放。因為群眾外出機會大減,令到網絡電影點擊率大增。其中羅嘉良(撈家)主演的動作片《巨鱷島》成為大熱作品,電影2月4日首播,其中連續兩日成為分賬票房冠軍,看來撈家在內地依然人氣高企。
《巨鱷島》截圖
即使《巨鱷島》模仿某些荷里活的打怪獸冒險電影,只是主角由狄維莊遜換成撈家,但內地觀眾依然受落。電影劇情講述單親爸爸林浩在(羅嘉良飾)和女兒在搭飛機回國途中,突然遇到意外,客機逼降至某小島,但是其後發現島上棲息了巨型鱷魚,倖存乘客受到襲擊,以致死傷枕藉,女兒遇到生命危險,林浩誓死亦要在巨鱷口中救出女兒。
《巨鱷島》截圖
據悉,《巨鱷島》投資八百萬人民幣,在網絡電影之中為極大投資,雖然只有撈家一位演員為人熟,其他演員一概無人知曉,但都足已吸引內地觀眾點擊觀賞。
《巨鱷島》截圖
《巨鱷島》首播就已收得153萬人民幣(下同)分賬票房,於2月6日更賺得206萬,上線兩天大賣360萬人,依目前走勢來看,相信很快就會收會800萬的製作成本。有分析指,此作分賬票房可以突破1500萬。
林保怡透露剛將到劇本初稿,「要花啲時間睇,因為呢個係一個幾燒腦嘅劇嚟㗎。」
無綫電視年度壓軸盛事《萬千星輝頒獎典禮2023》請來TVB昔日小生羅嘉良及林保怡擔任頒獎嘉賓,負責頒發新增的大灣區四個獎項,二人表示重見眾多昔日的好友感到好溫暖、好開心,林保怡更笑言見到佘詩曼就回想起以前和她合作好辛苦。
羅嘉良、林保怡(本網記者攝)
本網記者攝
提到好友佘詩曼憑《新聞女王》再度爆紅,會否都想參演?林保怡:「冇所謂嘅,其實我覺得都係公司安排囉,阿佘我哋都會出去食下飯㗎,咁但係佢都冇提議過搵我拍,咁當然要公司開口啦......我冇所謂係呀係啊真係,OK㗎,最主要個角色啱,有位去、有戲做,咁就得㗎啦。」羅嘉良則表示:「我就啱啱同阿佘拍完啦,《家族榮耀》,我哋拍得好開心。(林保怡:又唔搵我。)」
本網記者攝
有傳林保怡相隔13年重返TVB開拍新劇《刑偵12》,林保怡表示:「我睇個成數呢都係未知之數,因為我覺得都要睇啲劇本先啦,因為個角色如果係啱我嘅話呢,當然會拍囉,其實呢,呢樣嘢係好好嘅,因為佢上個年都已經搵咗我㗎啦,咁我啱啱收到初稿嘅劇本,咁我諗要花啲時間睇,因為呢個係一個幾燒腦嘅劇嚟㗎,所以睇劇本都睇到我有啲燒腦囉,我都要搵佢哋問一問到底係發生咩事。(羅嘉良:冇咩事吖嘛個腦。)有㗎,正話你唔記得我哋live嘅時候我jam咗你一嘢咩,就係因為睇呢個劇本睇到jam晒囉......本來你仲有一段講,我突然jam講咗出嚟啊嘛,我哋不如唔如睇下,咁你即:哦原來仲有一段,就係因為睇嗰個初稿劇本呢睇到個腦有啲問題。(羅嘉良:使唔使睇醫生啊?)」
二人負責頒發新增4個大灣區獎項。
林保怡又表示未知參演的演員有哪幾位,但他很想與羅嘉良及苗僑偉(三哥)合作,「我哋正話見過三哥好開心喎。」羅嘉良就表示:「其實我同阿三哥呢,我哋都講咗好多次,但有冇機會一齊拍戲呢?咁我同保怡呢,我哋冇合作過,從來都冇合作過,第一次喺台上,係台上頒獎。」林保怡補充,與三哥合作可以經常有名貴的冬蟲草湯飲。
本網記者攝