網民呼籲大家多幫助身邊有需要的人。
新冠肺炎疫情有增無減，市面上一罩難求。有網民分享一段和樓下看更伯伯的對話，看更伯伯請求這位網民幫忙買口罩。伯伯不懂玩社交媒體，而其他人搶口罩時他也要上班，連排隊買口罩的機會都無，反映出很多香港市民的心聲。
網民給伯伯5個口罩應急。Anson Wong Yellow Lifestyle FB。
網民表示自己住的大廈是舊樓，所有不少看更都是上年紀的伯伯。網民有一日出街，看更伯伯尷尷尬尬地問他可否幫自己買口罩，之前附近餐廳有派口罩，但他去到時已經派完。網民於是答應幫他找找，結果去了所有超市，「分別都冇晒米、鹽、同所有紙巾廁紙⋯⋯香港人，你哋究竟搞乜呀？！」
後來網民經過藥房，看到印尼口罩要300元一盒、3L消毒火酒要400元，但依然有人排隊，令他大感驚訝。「 喂！呢度新蒲崗嚟架！舊區仲要一區都係長者，我知而家口罩同消毒液來貨係貴，但可唔可以忍下手唔好響度發國難財？！」
資料圖片
網民明白看更伯伯應是走投無路，才會叫自己幫手買口罩，「人哋派口罩時佢就返工，冇上FB 冇IG，我估長輩圖唔會同佢講今日邊度快閃買口罩，面對住差唔多一日人工嘅口罩，俾我都唔捨得買」。而整幢大廈，又後生又會和他打招呼的就是這位網民，所以伯伯才硬住頭皮希望網民幫到自己上網買口罩。網民灰心地表示，自己已經不期望政府可以做甚麼幫到一班長者，但他提醒所有香港人：「當你真係好驚慌要搶嘢嘅時候，希望你哋記得我哋7百萬人坐住同一條船，留一手，買夠生活就好，唔好囤積，好冇？」
最後網民送了5個口罩給伯伯應急，同時正努力幫伯伯上網訂比較平的口罩。他呼籲大家如果有能力的話，不妨到新蒲崗親自把口罩送給伯伯。其他網民留言，紛紛表示想幫伯伯，更呼籲大家多多幫助身邊有需要的人。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
