*

upload_article_image

工聯會口罩廠即將開工引話題 口罩廠長何啟明拍片回應

工聯會早前透露將開設口罩廠,他們已成功於大埔工業邨覓得防污染廠房生產口罩,無塵區裝修已幾近完成,並已購得所需材料,有關機器下星期便可完成裝置,好快投產,不過到底產量係幾多,就兩個講法,有話日產十萬個,亦有話係月產十萬個。

今日工聯口罩廠「廠長」何啟明就在FB上載影片,逐一解畫。原來工聯會係搵嚟現有製衣機改裝成口罩機,兩者運作原理相近,改裝機器為半自動生產,工聯會會安排人手幫助趕製,用半自動生產當然產量有限,初期係月產10萬個。

同時,工聯會亦訂購了全自動化的口罩機,由於全球都缺貨,香港亦有不同界別人士向內地訂購,所以出貨時間應該都差不多,係三月至四月,到時全自動化生產口罩,就可以日產10萬個啦。

其實,工聯會口罩廠新聞一出,都有網民笑每日生產得個3千幾個,即係月產10萬個,據聞工聯會內部都有討論過,但係佢哋就覺得最緊要快,生產得一個就有一個人受惠,所以半自動機都做住先,唔等全自動機來到先至開工,亦有網民認同工聯會坐言起行的做法。

Ariel

** 博客文章文責自負,不代表本公司立場 **