社會事
有乘客報警求助。
新型冠狀病毒肺炎疫情下人人自危，一名無戴口罩的男子昨晚登乘巴士時，惹來其他乘客不滿，雙方發生口角，有乘客報警求助。
大埔FB圖片。
事發於一輛來往大埔（富亨）及佐敦（西九龍站）的271九巴上。有網民在社交網站facebook專頁「大埔 TAI PO」上載影片，指昨晚約8時左右，一名無戴口罩的男乘客登車，車長發現後即時勸告，並私下向他送贈一個口罩。
不過，男乘客拒絕接受，又指自己無患病，質問為何要戴口罩。事件惹來車上其他乘客不滿起哄，有乘客要求該名男子戴口罩，否則下車，雙方發生口角。事件擾攘10多分鐘，最終有人報警。
事件引起網民熱論，有人批評男乘客自私，「衰到冇人有」、「退一步為他人設想可以嗎？」、「 呢啲咁嘅人，累街坊 」，不過亦有人支持男乘客，留言稱：「你班人咁驚死就會好撘巴土啦！轉塔的士，人哋唔戴口罩關你哋X事，唔好出街」。
西多士是不少港人下午茶至愛，加返一杯奶茶，就是最佳的配搭！不過日前有一位女網民在尖沙咀茶檔叫了一份西多士，賣相差到嚇人，她大批似足一件「穿窿底衫」！
正方形西多士 離奇分為兩塊
網民日前在Facebook群組發文，指日前到尖沙咀海防道茶檔叫了一份西多士，只見她貼出的相片中，西多士被炸到變形，而且不是呈現經典的金黃色，疑似是炸的時間太耐而偏啡，而且最離譜的是，一個正方形的西多士，竟被離奇分為了兩塊，其中一塊面頭放上了一個快融的芝士塊。網友寫到「唔知係我孤陋寡聞定係見識少，西多士咁樣上碟」，更標籤了「海防道」及「穿窿底衫」兩行字。
示意圖。《愛回家》劇照
FB圖片
有網民即刻留言問「又係海防道黑街市？呢餐貴過食餐飯？」，事主回應是，而餐茶的價錢竟然是52元。
網友狠批：點解仲可以比客人食
網民見相中的西多士，都紛紛留言狠批「點解仲可以比客人食，現在飲食業已經咁困難，為咗一塊西多士而損失一個客人，值得嗎？」、「呢個換著係我衝入佢廚房，黐線，香港飲食業就係俾XX廚搞衰個朵。」、「真係仲好意思攞比客人食，真係佩服！」、「陳年老油又多油焦，片包仲要爛埋，真係當d客on X先會咁樣比人食」、「唔係見到咁唔退貨呀！」。
網友：斬件上冇收多你兩蚊，你賺咗啦
有網民覺得業界應該檢討下「求其到呢.....d業界無生意又賴呢樣賴果樣，就從未聽過講自己問題」、不過都有網民以搞笑理由安慰事主：「斬件上，冇收多你兩蚊，你賺咗啦」、「你當佢買大送細，心理上就覺得舒服好多了」及「買大送細」。
示意圖。《愛回家》劇照
