*

咁緊張市民健康,你有冇搵過口罩比香港人?

pr20180615_1 對於禁止加熱煙嘅審議再次流會,吸煙與健康委員會主席鄺祖盛早前話審議嘅進度唔理想,通過三讀機會唔算樂觀,希望議員可以通過公共衛生角度為市民嘅健康著想——我唔知係咪任何同政府有關係嘅人本身都一定要離地,如果你係咁著緊公共衛生,關心香港人健康的話,最威脅武漢肺炎絕對係全香港人最著眼嘅問題     成日用「為市民健康著想」做佢地至高無上嘅口號,點解喺口罩缺貨同價格暴漲下,咁關心市民健康嘅佢地連一句聲都唔出?成日開口埋口都話為香港好要全面禁煙,真係為香港好就支持全面封關,禁止一切大陸人可以落到嚟香港嘅方法。     至於大眾一直都擔心緊嘅加熱煙私煙問題,鄺祖盛居然係「不清楚現時市面上電子煙和加熱煙的銷售情況」,只係表示「相信香港大部分人都奉公守法」」。你要堵絕一樣嘢,但係連佢喺市面仲有幾多人食,佢地喺咩途徑拎到貨都唔知。只係一味覺得只要立法禁止,香港人就會守法。其實走私依樣嘢喺香港真係好常見架,就連傳統煙仔都有人因為平而走私走到而家,鄺祖盛乜你唔知咩?加熱煙而家喺香港仍然好多人食緊,早前反送中唔係就有一位啊Sir當住更喺大會堂吸住加熱煙咩?如果廣大市民真係會單純因為「香港唔比賣所以唔食」,鄺祖盛又會覺得嗰位啊Sir支煙彈喺邊度嚟?佢依個咁一廂情願嘅諗法,同政府為咗確保啲人有自我隔離而用嘅電子手環又冇GPS又唔會響一樣,幾傻幾天真幾離地先會覺得Work?     如果鄺祖盛你為交差嘅,不如等香港搞掂武漢肺炎先;如果你真係咁關心市民健康,不如試下幫手搵口罩先?

毛言地

** 博客文章文責自負,不代表本公司立場 **