*

upload_article_image

無懼肺炎帶網紅B出街「放電」 李璨琛囡囡周圍摸無消毒

媽媽真係要留意,個人衛生真係好重要!

近日本港爆發新冠肺炎,本港確診個案已上升至60宗,鑒於疫情嚴峻,不少人都於家中閉關「避炎」,基本上都無父母夠膽帶BB出街,但小朋友都不喜歡日日「坐監」,就像李璨琛快將兩歲的「網紅囡囡」Lucy(李元元),出名好動的她試過悶到在家大搗亂,搞到媽咪梁志瑩(Pae)回家以為發生「海嘯」好苦惱,所以一向採取「放養式教育」的李氏夫婦就如常帶Lucy到銅鑼灣「放電」!

李璨琛與太太Pae於2012年結婚,前年3月誕下囡囡Lucy。

「網紅B」Lucy一向鍾意出街街,即使肺炎肆虐,但媽咪Pae都照樣帶囡囡出去「放電」,事關Lucy一困喺屋企就搗亂。

日前兩母女去了IKEA「試」梳化,囡囡仲瞓到唔願走。

日前傍晚,Pae和友人先帶Lucy到皇室堡的SEPHORA買化妝品,其間兩位女士專注研究護膚品,「八婆仔」Lucy亦有樣學樣,隨手拿起眼前的Lotion、香水仔細望,惜望完一輪並非試搽或試聞,而是貫徹其愛「煲粥」的作風,將個樽放到耳仔邊扮講電話,認真萌爆!同行「契媽」見狀即截停,但轉個頭,Lucy又手多多周圍摸,但其間都無人幫她抹過手仔。等媽咪付款後,一出到門見到商場中庭的兒童遊玩區,Lucy興奮到舉晒手,Pae亦好識做即刻拖囡囡去玩!

李璨琛太太Pae(右)大前日帶埋Lucy,與女友人到銅鑼灣行街。

Lucy於化妝店內周圍摸,連同行「契媽 」都制止唔到,之後仲要冇抹手。

不嬲鍾意「煲粥」的Lucy拎起香水樽扮講電話,超可愛!

然而街上勁多細菌,兒童遊玩區亦屬高危地方,再加埋肺炎疫情嚴重,雖然兩母女都戴了口罩,放囡囡落地玩前,Pae都有幫對方著襪仔,確保衛生,但無奈由排隊一刻開始,細細粒的Lucy在媽咪不為意下,一雙手仔已經按奈不住周圍摸,落到「大水床」又瞓又撳個地下,旁邊還有不少小朋友跳來跳去,交叉感染風險極高,而玩前玩後都未見Pae幫囡囡同自己消毒過雙手,萬一Lucy用隻手仔捽眼、抹口鼻,就可能隨時被病菌入侵!

排隊期間,Lucy撳住塊展示板擺晒甫士咁。

Pae拖住囡囡落「水牀」玩,不過Lucy有啲戰戰兢兢。

萌妹Lucy在商場兒童遊樂區的「大水牀」玩到瞓晒喺度,旁邊小朋友就周地踩。

玩完着番鞋仔,但Pae似乎都未有幫Lucy消毒雙手。

不過,其實Pae並不是全無防疫意識,因為之後她們一行三人去了附近藥房,她主力看消毒酒精搓手液、噴霧、口罩等,不過未知是否沒有Pae想要的產品,最終只留下聯絡電話便離開。

其後一行三人走到附近藥房,Pae亦主攻防疫用品。