森美指目前可為父母做的事，就是準備在港隔離期的物資。
森美今晨（20日）於商台節目《早霸王》中，透露其滯留於鑽石公主號上的父母，經病毒測試後，已取得呈陰性的報告，預料今晚6點乘港府派出的第二班包機回港。
森美的父母
事後，森美接受傳媒訪問，他坦言好開心父母身上冇病毒，但仍擔心落船至上機的過程會染病，故叮囑雙親做足預防和安全措拖，例如戴上鞋套、手套、穿襪等上機，不可沾眼耳口鼻，「最重要是能回港，遠離病源，其他都是其次，因船上每日都新增數十宗確診個案，一直都希望父母能盡快接受測試，前一晚等待報告期間真的非常擔心，現知道父母沒事，總算放下心頭大石、心安很多。」
森美好開心父母身上冇病毒，但仍擔心落船至上機的過程會染病。
至於現可為父母做的事，森美稱是準備在港隔離期的物資，特別是船上沒有無線網絡，父母不能睇戲或打手遊解悶，因此會為父母增大手機用量，讓父母在港隔離期間能保持聯絡，「由於凌晨才知道沒事，未想到要準備甚麼，最重要是大家保持聯絡，亦相信香港的隔離營環境不會惡劣或太差，反而父母在船上期間更擔心，既驚他們凍、又怕會受感染，不過他們都好乖，在船上的十多天都只試過一次15分鐘的放風，其他時間都待在房中，相信他們在香港隔離期都會好乖。」
森美叮囑父母做足預防和安全措拖。
問到會否看抵港直播、隔空見父母一面？森美說：「又唔會緊張到咁，他們返到香港都可視像見到，在船上都有每天Whatsapp交談，OK的。」並謂，現在反而擔心在日本確疹的港人及其家人，因聽聞當地醫療情況不太好，希望他們能盡快回港接受治療。
森美：「有用嘅嘢想用都冇得用」！
全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！
Mayanne同GM分別擔任主持及助理主持。
今集請嚟火火（左起）、森美同埋劉翁擔任嘉賓。
年屆50嘅森美笑言最開心係可以同BTS一齊入伍。
火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！
火火親述「抓龍筋」過程，啲表情包勁爆笑。
之後眾人大談中年危機6大徵兆，其中一項係性能力/性慾下降。
森美激動表示慘遭老婆無視，搞到「有用嘅嘢想用都冇得用」！
之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」
之後講到依家男士魅力不再，森美留意到依家好多男人操肌係為咗吸引異性。
再講到出軌問題，森美話成本太高唔敢嘗試。
已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。
劉翁自爆第一段婚姻出軌經歷。
