森美話自己公關公司大半年都無收入！
新冠肺炎肆虐，本港市道受到衝擊，多個行業均有打工仔被逼打折出糧或放無薪假。商台因為廣告收入大減，今日公布有鑑於目前社會情況及疫情持續，在不影響廣播服務的大前提下，正與員工作出無薪假期的安排。商業電台表示，會一如既往堅守崗位，服務全港市民，與香港人共渡時艱。
因為配合公司放無薪假，部份由他同小儀主持的節目《早霸王》要錄音，圖為之前跟翟威廉、周志文、周志康做訪問。
《頭條日報》報道，在公司特別安排下，商台DJ森美當然減收入少，他表示︰「咪放吓假囉，自己公關公司大半年都冇收入，都知宜家係辛苦嘅，希望商台放無薪假呢個方法可以減少炒人囉，喺艱難時間，同事無咗份工就好難生活，所以希望大家一齊努力過咗呢個艱難時期。」
因為配合公司放無薪假，部份由他同小儀主持的節目《早霸王》要錄音，圖為之前跟翟威廉、周志文、周志康做訪問。
森美話，為了盡量令個節目影響到最低，部份應該會錄播，希望聽眾不發覺。問到豈非變相加「辛」？森美說︰「冇計㗎啦，盡力啦！希望公司記住我哋共同一齊捱，同步過冬，將來賺到錢分返畀大家。最主要都係，盡量唔好炒人，因為人人都需要一份工，香港嚟緊啲經濟都會係差，起碼都會差一年半載，無論識唔識嘅同事都好，保得一個得一個都係好事，真係唔理咁多囉！我冇計算自己人工會少咗幾多呀。因近排忙搞疫情同父母嘢。」
森美的公關公司大半年都無收入！
森美 (資料圖片)
森美：「有用嘅嘢想用都冇得用」！
全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！
Mayanne同GM分別擔任主持及助理主持。
今集請嚟火火（左起）、森美同埋劉翁擔任嘉賓。
年屆50嘅森美笑言最開心係可以同BTS一齊入伍。
火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！
火火親述「抓龍筋」過程，啲表情包勁爆笑。
之後眾人大談中年危機6大徵兆，其中一項係性能力/性慾下降。
森美激動表示慘遭老婆無視，搞到「有用嘅嘢想用都冇得用」！
之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」
之後講到依家男士魅力不再，森美留意到依家好多男人操肌係為咗吸引異性。
再講到出軌問題，森美話成本太高唔敢嘗試。
已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。
劉翁自爆第一段婚姻出軌經歷。
