買到亞視都未必咁易用到山頭發射站

亞視六點新聞突然宣布，公司接到股東黃炳均及主要投資者王征通知，決定接受香港電視主席王維基的主要條件，出售亞視控股權。仲話黃炳均及王征將豁免亞視所欠大部分債務，而有關交易尚需得到法庭同意，及報通訊局批准。

呢單新聞都算爆，令亞視又再成為熱話。到寫稿呢一刻，港視仲未有回應。

有電視業界高人就話，事態發展都幾有趣，維基哥買亞視唔知條數係咪已經計清楚，之前通訊局已經建議唔續牌俾亞視，又搞咗咁多單欠薪事件，係咪一換老闆，政府就即刻轉態呢？

業界知情者話仲有條大數，唔知維基哥有冇預到，之前幾個月亞視鬧出糧荒，個個月係咁拖糧，後來搞吓搞吓又出到糧，背後無綫都有發功，除咗向亞視買咗700套黑白粵語長片同幾千小時的劇集(主要係當年受歡迎的武俠片)外，仲買埋亞視唔少儀器同器材，聞說過去幾個月，計計埋埋亞視都有成幾千萬收入係來自賣嘢俾無綫。

其中最值得注意係，亞視賣的資產中，原來包括依家用作轉播同發射訊號的多個山頭上的器材，例如天線、發射器。當年轉用數碼廣播，政府在山頭借啲土地出來，俾兩間免費電視台起發射塔，無綫同亞視有協議，各自負責在不同的山頭上起發射站兼提供埋器材，然後共用所有發射站來做轉播，起的時候亞視已拖欠資金，無綫為咗快啲可以用，已經借咗約2000萬俾亞視。最近幾個月因為亞視缺水，原來已經將呢啲山頭上的儀器賣咗俾無綫以換錢出糧。

業界高人估計，以無綫同維基哥的恩怨，維基如果真係買亞視，無綫都好大機會即係叫還債，呢啲都事小，有錢可以解決。但山頭儀器賣咗俾無綫就濕滯啦，依家無事無幹，無綫就俾亞視繼續用山頭上的器材作廣播。如果轉手俾維基哥，幾乎肯定無綫會即刻同你計清楚。就好似之前都試過維基哥買咗中移動子公司的流動電視牌，無綫即刻出信話中止之前租用山頭轉發站的合約，再慢慢傾過條件啦。

淨係呢關，維基哥都可能好頭痕，無呢啲山頭做發射站，都唔知點廣播，但依家山頭上的儀器已經賣晒俾對手，有排拆招啦。所以維基哥如果真係落實買亞視，前景都唔係咁清楚，小股民想入市博佢炒上，都係小心啲喎。

Ariel

** 博客文章文責自負,不代表本公司立場 **

立法會今天（4月16日）召開的財委會特別會議，會上選委會界別議員江玉歡及工聯會梁子穎均關注，特首政策組進行的研究不對外公開的做法，認為並非所有報告都不能公開，除了一些敏感話題報告外的成果理應公開，對香港市民或企業也有幫助。江玉歡又指，一些研究如旅遊巴泊位的研究用了90多萬元去做報告，做完研究但仍有旅遊巴擾民的問題。

高人話，外界或許有點誤解，以為特首政策組的研究都是保密的，其實並非如此。特首政策組一年外判的研究費用2000多萬元，當中很多研究是公開的。他們選題時也有和政策局溝通，確保做出來的研究政策局能用得著。

高人形容，政府決策前多做研究，了解情況，然後才作出決定，比拍腦袋決策科學得多。但事實上不能說做了一個旅遊巴泊位研究就馬上可以解決相關問題，但做了研究可以讓政策局有更多數據和科學分析，以供參照。

他說，特首政策組有部分研究不公開，涉及費用大約1000多萬，包括就不同問題做的民調，以及其他合約研究，保密的研究有兩大類，主要是和施政報告相關的前期研究，以及就政府內部醖釀中的政策作研究，例如了解外界有無其他可行的政策選項，或者作為「紅隊」，挑戰現有構思中的政策，找出其中漏洞。由於這些研究和政府即將推出的政策緊密關連，故有保密的需要。

高人分析，特首政策組的預算和過去差不多，但本屆政府謀劃的新項目很多，涉及眾多未來的規劃，以有限資源完成更多工作，協助政府作科學決策，殊非易事。