*

鄧佩儀注重個人言行避緋聞 力保上位小花位置

咁識諗,抵捧啦!

27歲的鄧佩儀(Gloria)入行6年沒有甚麼緋聞,形象入屋又討好,而且肯搏肯捱,深得公司歡心,劇接劇未停過。拍緊的重頭劇《踩過界II》雖然不是女主角,但角色相當出位,劇中飾演熱情大學生,還會主動生擒兼色誘「盲俠」王浩信,好有發揮。被TVB力捧的Gloria強調會注重個人言行,力保上位小花位置:「電視台有咁多人,靚同好戲過我多的是,所以真係要珍惜機會呀!」

鄧佩儀個樣有啲似陳慧琳,身材都不錯,最勁是夠理智,不會亂搞男女關係影響事業。

《頭條日報》報道,近年鄧佩儀拍的劇集真是不少,繼《金宵大廈》、《鐵探》後,還有未出街的《機場特警》、《降魔的2.0》,而《踩過界II》正在拍攝中,雖然Gloria劇接劇沒有甚麼時間休息,但她堅持想趁年青力壯拍多些:「其實我都冇理自己係咪上緊位,講真自己都算係幸運嗰批,電視台有咁多人,靚有靚過你,好戲有好戲過你,唯有把握機會盡做。」問到是否會力保形象避開緋聞?Gloria答得好得體,「呢行係需要適量曝光嘅,但盡量唔好搞到自己一身蟻啦,好彩我對人唔太熱情,而且喺感情上屬冷靜類型,所以唔易令人會錯意,自然少咗緋聞。」

鄧佩儀經常開live唱歌滿足fans。

Gloria又指諗返初入行時真是驚,搞到約異性朋友食飯都不敢,「人愈大,愈想享受生活,做返自己,只要行得正,企得正,正常社交都冇乜所謂。」鄧佩儀除了拍《踩過界II》在角色上有突破外,她還有個小小心願:「原來我啲fans好鍾意聽我唱歌,如果可以唱到有份演嘅劇集歌曲就好喇,就算做一啲歌手嘅角色,可以開到金口都唔錯,我好鍾意唱歌㗎。」

入行6年,唯一傳過鄧佩儀暗戀「人夫」周柏豪。

鄧佩儀在《金宵大廈》扮吹氣公仔Mary及cosplay女僕,大膽演出,演技獲讚。

在《降魔的2.0》中要吊「威吔」演出。

同惠英紅合作拍《鐵探》學到不少。