*

upload_article_image

張栢芝帶囝囝去泰國避炎 戲水後呻:唔夠5個鐘已經曬到黑晒

享受陽光與戲水~

新冠肺炎肆虐全球,郵輪及飛機等密封空間成為播毒高危地點,不過張栢芝就未驚過,今晨於社交網上載一張於機場的自拍照,並透露帶埋囝囝出發去旅行,同行還有其他小朋友,她興奮寫道:「我們終於可以享受游水的日子。」估計是去了泰國享受陽光與戲水。

張栢芝兩母子都Full Gear上機。

之後還戴埋手套。

張栢芝帶囝囝去泰國避炎。

栢芝又連發多個帖文及Ig story,臨上飛機前,她與大仔謝振軒(Lucas)和二仔謝振南(Quintus)均Full gear戴黑超、黑口罩,登上機艙後,大仔更戴膠手套,椅背亦明顯用布蓋住,她都留言話「最緊要安全。」不過一到埗,眾人即卸下所有防疫裝備,盡情食同玩,Quintus於泳池邊慢慢嘆薯條、Burger,Lucas則在室內同媽咪玩桌球,而細仔「小王子」張禮承(Marcus)就在旁邊坐車車。

二子Quintus狂擦一餐。

細仔「小王子」就在旁邊坐車車。

大仔Lucas同媽咪玩桌球。

 

隨後,栢芝拍片呻:「特登飛過嚟,等埋啲團隊要開工,但唔夠5個鐘已經曬到黑晒,點辦?今晚我諗要敷7塊Mask,8塊或者10塊,哈哈,一定要保持住呀!」她又透露準備出發去BIG C超市買清潔用品、日常用品及糧食,「跟住仲要做家務,啱啱先晾完衫,點算呀!」真係聽到都攰!好在有Lucas陪住去買嘢,栢芝都不禁表示:「好感恩上天賜給我這個兒子。」兩母子仲邊行邊十指緊扣,好Sweet!

張栢芝今晨晒機場自拍照。

張栢芝同Lucas十指緊扣行超市,So Sweet!

張栢芝話不夠5個鐘已經曬到黑晒。